كشفت الإعلامية المصرية أسما شريف منير سبب قيامها بحذف صورها عبر حسابها في "إنستغرام" فجأة، مما أثار تساؤلات جمهورها.
ونشرت أسما مجموعة صور جديدة على حسابها، وكتبت "شلتي كل صورك ليه؟ عشان عايزة أشارك معاكم حاجة تفرق، تفرق مع شخص واحد بس! طب وهو إيه يعني اللي هيفرق في الصور دي؟"
ما سبب حذف أسما شريف منير صورها؟
وبشأن الرسالة التي تريد أن تصل من وراء اتخاذها تلك الخطوة، بينت الإعلامية المصرية "أول حاجة عايزة أوصلها من الصور دي، إنها من غير أي أديت أو فلتر، ودي حاجة أنا في صراع دايم فيها، عشان بقيت بحب شكلي بفلتر أكتر وده شيء محزن، فا محتاجة أحس إني حرة من الفلاتر والاديت عشان أشجع بنات تكون حسه أحسن".
وواصلت أسما شريف منير تعداد الأسباب وراء حذفها تلك الصور، وقالت: "تاني حاجة في صور من شغلي ومشروعي اللي تعبانة فيه جداً ومحتاجة اشاركوا معاكم عشان أشجع الناس إنها تأخذ خطوة في إنها تبدأ من الصفر عادي مهما كانت مكانتها الاجتماعية".
وكشفت عن مشروعها، "تالت حاجة مشروعي الأصغر هو الفخار، وده أنا عملته عشان أشجع المنتجات اليدوية الطبيعية الصحية وعشان أنا دلوقتي بختار أغلب اختياراتي في الحياة أي حاجة راجعة للطبيعة".
أسما شريف منير: لما تخنت كنت مكسوفة بس تقبلت جسمي
وواصلت أسما شريف منير "رابع حاجة، لما تخنت كنت مكسوفة بس تقبلت جسمي، وحبيته بس ده مش معناه إني مش عايزة أوصل لأفضل شكل صحي لجسمي، فا شغالة عليه وعندي خطة للتغيير، بس لحد ما أوصل للنتيجة الصح أنا حابه نفسي وأنوثتي وشايفة نفسي تمام أوي".
وأضافت "خامس حاجة، إني بحلم أحلام ناويه بكل قوتي أحققها فا بقيت بحط نفسي في الأماكن اللي شبه حلمي، بجذب الناس اللي بتفيدني، بحلم أحلام كبيرة بس مش وأنا قاعدة على الكنبة، وأنا بسعى في شغلي ومصدقة أني هوصل لأكثر ما بتمنى وده بقولو عشان أشجعكم إنكم تتحركوا ومتأجلوش اللي نفسكم فيه مهما كانت الحاجة اللي موقفاكم".
أسما شريف منير: التأمل في خلق الله غيّر حياتي
وأنهت أسما شريف منير رسالتها قائلة: "سادس حاجة، التأمل في خلق الله غيّر حياتي وخلاني أكون شخص أهدى وممتن أكتر، وحساس أكتر. أنا حقيقي نفسي افيدكم وأساعد اللي بيتابعوني يكونوا أحسن بأي طريقة ممكنة، وأنا بحضر حاجات جديدة أتمنى أنها تكون مصدر إلهام ليكم، وحشتوني أوي".
وقبل أشهر قليلة، تصدرت أسما شريف منير الترند على مواقع التواصل الاجتماعي، بعد ظهورها في فيديو نشرته على حسابها في "إنستغرام" وهي ترتدي الحجاب.
وأرفقت الفيديو بتعليق كشفت فيه أمنيتها بارتداء الحجاب؛ إذ قالت: أتمنى من الله أن يمنحني القدرة على ارتداء الحجاب، وأن لا أتخلى عنه طوال حياتي.
وأضافت أنها تطلب من الله أن يمددها بالقوة والثبات اللازمين لاتخاذ هذا القرار، معربة عن رغبتها في تحقيق ذلك قريبًا، قائلة: أرجو أن يقدرني الله، وأتمكن من اتخاذ هذه الخطوة في المستقبل القريب.
