تحدث الممثل المصري الشاب يوسف عمر، عن مشاركته في مسلسل "شباب امرأة"، الذي يعرض حاليًا ضمن السباق الرمضاني 2025، وتعاونه مع الفنانة غادة عبد الرازق.
وقال يوسف عمر، خلال لقائه مع "فوشيا"، عن فكرة المقارنات بين مسلسل "شباب امرأة"، والفيلم الذي قدمته تحية كاريوكا في عام 1956: كده كده في مقارنة من أول ما طلعت الفكرة، والشغل مع أستاذة غادة عبد الرازق من أحسن الحاجات اللي حصلت لي هي أستاذة كبيرة تعلمت منها في الحياة والشغل وكل حاجة.
يوسف عمر: الشخصيات في مسلسل شباب امرأة مختلفة عن الفيلم
تابع يوسف عمر: لو هنتكلم بشكل منطقي فالمقارنات مش موجودة بشكل كبير لأن الشخصيات مختلفة، ولكن من حق الجمهور يقارن لأنهم بيحبوا الفيلم جدًا وأنا شخصيًا بحب الفيلم، ولكن الشخصيات اللي في المسلسل مختلفة تمامًا عن اللي في الفيلم.
يوسف عمر: شخصية إمام في فيلم شباب امرأة مكنتش مرجعي
كما تحدث يوسف عمر عن تفاصيل تحضيره شخصية إمام، قائلًا: أنا حافظ شخصية إمام، ولكني وقت التحضير للشخصية متفرجتش على الفيلم لأن إمام اللي في الفيلم مش هو إمام اللي في المسلسل، فهو مش مرجع أساسًا للشخصية.
يوسف عمر: فوجئت بـ دوبلير غادة عبد الرازق
عن الصورة المنتشرة التي ظهر فيها دوبلير الفنانة غادة عبد الرازق، فقد علق يوسف عمر: أنا مكنتش موجود في اليوم ده وفوجئت بالصورة اللي نزلت، الولد الدوبلير ده شاطر جدًا إحنا عارفينه ولكني مكنتش أعرف أنه عامل دوبلير لشخصية شفاعات.
يوسف عمر: غادة عبد الرازق أستاذة كبيرة
واصل يوسف عمر، معربًا عن سعادته الكبيرة بتعاونه مع النجمة غادة عبد الرازق، قائلًا: غادة عبد الرازق أستاذة كبيرة جدًا وعارفة هي بتعمل إيه، وأول مشهد خالص قالتلي جملة علقت في دماغي أوي، قالتلي بص في عيني علشان أطلع منك اللي أنا عايزاه وأنا من ساعتها بشتغل وأنا مرتاح ومبسوط وعايز أطلع أحسن حاجة.
واستكمل: إحنا أجيال مختلفة وأستاذة غادة بتشتغل مع كل الأجيال، ومتحسهاش كبيرة بالعكس بتبقى فهماك أكتر منك.
يوسف عمر: أنا وأمي ذاكرنا تفاصيل مسلسل شباب امرأة مع بعض
كشف يوسف عمر، تفاصيل مشاركة والدته الفنانة لبنى ونس، في مسلسل "شباب امرأة"، قائلًا: أول ما أستاذ أحمد حسن عرض عليا الفكرة قولتله دي فكرة جميلة، وبعدين ذاكرت أنا وأمي الشخصيات مع بعض والتفاصيل لأننا كنا عايزين نبين إمام ووالدته أكتر من يوسف ووالدته، وقعدنا نبني تفاصيل كتير أوي.
