احتفل صُنّاع فيلم "الهنا اللي أنا فيه"، مساء الأحد، بالعرض الخاص في أحد دور السينما بمدينة الشيخ زايد في محافظة الجيزة، بحضور كريم محمود عبدالعزيز، ودينا الشربيني، وياسمين رئيس، والشاعرة منة عدلي القيعي.
وشارك في العرض أيضًا المؤلف أيمن بهجت قمر، والمخرج خالد مرعي، وحضر عدد من النجوم لتهنئة أبطال العمل، بينهم محمد محمود عبدالعزيز، ورانيا محمود ياسين، ومحمد مهران، وألفت عمر.
والتقى موقع "فوشيا" بطل العمل كريم محمود عبد العزيز، الذي تحدث عن فكرة الفيلم قائلًا: فكرة جديدة، ويا رب يعجب الناس، ويبسطهم ويعدل مزاجهم.
دينا الشربيني: تعاون مميز ورسالة دعم لياسمين رئيس
بينما وجهت دينا الشربيني رسالة إلى صديقتها التي تشاركها العمل ياسمين رئيس، قائلة: بقول لياسمين رئيس مبروك، ويا رب دائمًا شغالين مع بعض ويا رب الفيلم ينجح بإذن الله.
ودعمت أيتن عامر صُناع فيلم "الهنا اللي أنا فيه" قائلة: ببارك لأبطال الفيلم وإن شاء الله الفيلم يكسر الدنيا في الإيرادات.
وتمنى محمد محمود عبد العزيز النجاح لشقيقه قائلًا: بقول لكريم ألف مبروك ويا رب الفيلم ينجح والناس تستقبله بشكل حلو، البرومو حلو وأنا متوقع خير.
وعلقت رانيا محمود ياسين على فيلم "الهنا اللي أنا فيه": خالد مرعي هيقدم حاجة حلوة. بقول لأبطال الفيلم ألف مبروك وإن شاء الله يبقى عمل موفق ومهم، الأستاذ خالد مرعي مخرج كبير وأكيد هيقدم حاجة حلوة أوي.
وأعجب محمد مهران بفكرة الفيلم قائلًا: الفكرة جديدة إن واحد يتجوز Best Friend بتاعة مراته، فأنا عايز أشوف معالجة الفيلم وبقولهم مبروك مقدمًا، وإن شاء الله الفيلم يعجب الناس.
منة عدلي القيعي: سعيدة بتكرار النجاح مع كريم محمود عبد العزيز
تحدثت الشاعرة منة عدلي القيعي عن تكرار تعاونها مع كريم محمود عبد العزيز قائلة: ربنا يكتب لينا النجاح المرة دي زي كل المرتين اللي قبلها، وأفضل أقدم حاجات ربنا يجازيها بالنجاح دايمًا، وألف مبروك على الفيلم.
واختتمت ألفت عمر حديثها عن فكرة فيلم "الهنا اللي أنا فيه" معلقة: الواحد داخل فيلم ضامن أنه هيتبسط، ويضحك فيه مش حاجة تافهة ولا أي كوميديا وخلاص، أنا متشجعة بيهم وأنا بعشق كريم محمود عبد العزيز.
