أعرب مغني المهرجانات حسن شاكوش عن انزعاجه من النظرة السلبية التي يعاني منها نجوم الفنان من قبل جمهور عريض، في وقت عبّر فيه عن ندمه الشديد على زواجه الأخير.
وكشف شاكوش خلال ظهوره في برنامج "بالمايك والقلم"، عن تعرُّضه للظلم في كثير من الأوقات، وأن عدداً من زملائه المطربين كانوا يجلسون بجانبه، ومن ورائه يدفعون المال كي لا يعود إلى الغناء.
حسن شاكوش: عمري ما شربت سيجارة أو شيشة
شاكوش عبّر عن أسفه لما وصل إليه بسبب آراء بعض الأشخاص غير المنصفة؛ مبيناً أنه حافظ على نفسه، ولم يلجأ إلى التدخين أو أي شيء خاطئ، وقال "للأسف لما دخلت مجال الفن يعني لو قايم من على سجادة الصلاة وبقولهم إني بصلي هيقولولك لا أنت بتضحك علينا".
وتحدث شاكوش عن نشأته وبداياته، وقال "أنا من منطقة شعبية بولاق الدكرور، المنطقة دي يعني اللي مش معاه شغل أو متعلم كويس بيمشي غلط وأنا الحمد لله حافظت على نفسي عمري ما شربت سيجارة أو شيشة والحاجات دي مش من اهتماماتي".
حسن شاكوش: نفسي بولد.. ونادم على زواجي
وعن زواجه الذي لم يستمر طويلاً، وانتهى بالطلاق، قال حسن شاكوش إن أكثر قرار يشعر بالندم عليه، هو زيجته الأخيرة، حيث لم تدم لأكثر من شهرين، مؤكداً أنه كان يتمنى لزواجه أن يستمر وأن ينجب الأولاد.
وكان حسن شاكوش ارتبط بفتاة من خارج الوسط الفني، تُدعى ريم طارق، وفي حفل زفافها في شهر مارس / آذار الماضي، فاجأت الحضور في القاعة التي احتضنت الحفل، وقامت بالسجود وهي ترتدي فستان زفافها الأبيض. وبعد أقل من شهرين دب الخلاف بين الثنائي، لينتهي مسلسل زواجهما بالطلاق.
وقال شاكوش خلال ظهوره في برنامج "بالمايك والقلم" اليوم الجمعة "الحاجة الوحيدة اللي أنا ندمان عليها موضوع الزواج هذا، أولاد الناس؛ لو جوزها في كل العبر تطلع تقول ده أحسن راجل في الدنيا".
وأضاف "ما كانش ده اللي في دماغي إني أتجوز شهر ولا شهرين. وأنا نادم على الزواج والحمد لله ما ظلمت حد أنا بتظلم".
وتابع "أظن أن أي اتنين اتطلقوا، وخرجوا بأسلوب محترم الناس حتحكي عنهم محترمين، ولكن للأسف في الحياة لازم تغلط عشان بعد كدا نتعلم، وإن شاء الله ربنا يرزقني ببنت الحلال لأني نفسي يبقى عندي عيال".
حسن شاكوش: أمي وخواتي عندي بالدنيا
وعن حياته الأسرية قال شاكوش "أمي وخواتي عندي بالدنيا كلها ونفسي اعملهم كل حاجة، واعوضهم بكل حاجة نفسهم فيها".
حسن شاكوش: مطربون دفعوا المال كي لا أعود للنقابة وأغني
وعن الوسط الفني، بيّن شاكوش أنه تعرض لهجوم من أشخاص كثيرين استهدفوه "بلقمة عيشه". وقال إن "عدداً من المطربين كانوا يدفعون للنقابة (نقابة الموسيقيين المصريين) فلوس عشان ما اشتغلش وربنا حيسلط عليهم نفسهم؛ لأنهم بيحاربوا الناس بلقمة عيشهم". وأضاف "مشكلة المجال بتاعنا انو ملوش وش واحد".
حسن شاكوش يشكو نظرة الناس السلبية للفنان
وحول المواقف السلبية التي أثرّت فيه سلباً، قال شاكوش "مشكلة المجال بتاعنا الناس بتشوف الفنان من ورا الكاميرا مابتشوفش حياته الشخصية".
وأضاف "في ناس بتيجي تسألني وأنا على المسرح أنت مالك مهيبر كده ليه أنت شارب إيه أو بتشرب إيه وبلاقي تعليقات سخيفة زي حلو النوع اللي أنت شاربه ده أو الدماغ عالية والحاجات دي بتضايقني نفسياً لأني أنا مش كده".
وفي نهاية اللقاء قال إن "مشكلة الفنان إن الناس شايفاه في حتة وحشة زي أنه فلوسه حرام أو خمورجي أو بتاع مخدرات ومش شايفين إن ربنا منحه الموهبة دي أو فتح له باب الرزق عشان ورايا بيوت ناس كثير غير أهلي وفرقتي والناس اللي بتشتغل معايا، أنا كل الناس دي مسؤولة مني".
