في خطوة تُظهر الروح الرياضية والمسامحة، قام الفنان المصري رامي صبري بالصلح مع مغني الراب، ويجز بعد الخلاف الذي نشب بينهما في الأيام الماضية، تتضمن هذه المبادرة اعترافًا من رامي بأن الخلاف لا يستحق الاستمرار، وأشار إلى أنه سامح ويجز وتجاوز ما حدث.
تفاصيل مبادرة الصلح بين رامي صبري وويجز
شارك رامي صبري منشورًا عبر حسابه الشخصي على موقع التواصل الاجتماعي "فيس بوك"، ردًّا على تعليق الشاعر تامر حسين الذي حاول تهدئة الأجواء، كتب صبري: حبيبي تامر حسين الشاعر الكبير العظيم، شكرًا على كلامك الحلو زيك، ويجز أخويا الصغير وأنا مسامحه، وحصل خير.
بهذا التصريح، أكد رامي صبري انتهاء الخلاف وفتح صفحة جديدة مع ويجز، مشيرًا إلى أن العلاقات الإنسانية أهم من أي مشادات.
إذ نشر الشاعر تامر حسين عبر حسابه الرسمي على فيسبوك منشورًا قال فيه: شهادتي فيك مجروحة، أنت صوت عبقري مش محتاج رأيي، وخطواتك ما شاء الله على طريق النجاح بتكبر وتزيد، كل سنة عندك نجاح أكبر، ومكسر الدنيا، ولسه شايف ترتيب الأغاني، أنت رقم ٢ في الاستماع بعد الهضبة بألبوم مكانك وفي الصدارة.
واستكمل حديثه "تصريح ويجز مش موفق، رغم أني شفته في أكتر من لقاء وكان راجل مثقف ومهذب، جايز يكون واخد على خاطره أو فهم كلامك غلط، إنما الأرقام اللي قالها مش أرقامك، والطريقة مش مناسبة، وإنت الكبير يا روم".
وقال أيضًا "ويجز لو يعرف إنك أول واحد بعتلي أغنية البخت وقلتلي: الراجل ده عنده حاجة مختلفة، مكنش هيزعل كده، ودي شهادة حق والله".
تصريحات ويجز ردًّا على رامي صبري
في وقت سابق، كان ويجز قد رد على تصريحات رامي صبري المتعلقة بعدم فهمه لكلمات أغاني الراب، نشر ويجز مقطع فيديو عبر حسابه على "إنستغرام"، قال فيه: هتكلم على فنان فاكر أن عنده صلاحية يطلع في أي وقت يتكلم على حد والناس تسمع وتسكت، الفنان ده اسمه رامي، كل ما يقعد 5 شهور يزهق يطلع يتكلم في التليفزيون عن بتوع الراب، هتتكلم امتى على فنك ومجالك؟ أنا شايف أنك مبتفهمش في الراب زي ما قلت قبل كده ومش هتعرف تعمله، أنت مبتقدرش الفنانين دول، أنت مفكر أنهم بيحاولوا يوصلوا في مستوى أنت فيه مع أنهم معديينك، أنت مش رقم 2 يا رامي أنت رقم 19، أنت بعيد أوي بجد، واستنوا أغنيتي الجديدة مش هقولهم هي عن إيه، أستاذ رامي ممكن يقولنا كلنا لو فهم.
