وجهت النجمة اللبنانية نادين نجيم عبر حسابها الخاص في "سناب شات" رسالة إلى الفتيات العزباوات مع اقتراب عيد الحب "الفالنتاين"، والذي يصادف يوم 14 فبراير/شباط الحالي.
رسالة نادين نجيم
في بداية رسالتها، شددت اللنجمة اللبنانية على أن المرء لا يبدو عليه الكبر إذا كان يتمتع بنفسية جيدة، إذ قالت: اللي نفسيته حلوة بعمره ما بيكبر.. بيكبر بالعمر.. وبضل صغير من جوا وحتى شكله بضل منور.
وأضافت عن نفسها: أنا الـ DNA تبعي بالمقلوب.. بكبر بالعمر .. بس شكلي بصغر.. اشتقتلكم أنا .. بعرف إنه صارلي زمان غايبة.. انضغطت كتير وجيت من السفر.. طلعت على الجبل أخدت الولاد وريحت شوي.
وتطرقت النجمة اللبنانية للحديث عن عيد الحب، موجهةً نصيحة للفتيات، وقالت: كيفكم مع الفالنتاين.. اذا بسمع وحدة بتنق، وبتبكي أنه هي Single .. ما تبلشوا كلنا بالهوا سوا.. بس مين مهتم.. الفالنتاين مو بس للحب .. منه بس للشباب والمتزوجين..الفالنتاين فيه يكون الحب بين 2 أصحاب.. بين أم وولادها.
وأكَّدت نادين أن يوم الحب مناسبة لاحتفال المرء بنفسه، قائلة: وكمان بينك وبين حالك.. هاي السنة بدنا نحتفل بحب حالنا.. بدك تقومي نهار 14 .. بتزبطي حالك.. بتروحي SPA..بتهتمي بحالك وجهك جسمك شكلك شعرك.. كل شي.
وأكملت حديثها: بعدين بتزبطي حالك ومكياجك وبتحجزي مطعم وانتي وصحابتك بتروحوا بتحتفلوا بجمالكم.. وحتى لو عاملين أشي غلط.. بتحتفلوا أنكم خلصتوا من الغلط.. حبوا حالكن أهم حب هو إلي بتعطوه لحالكم.
يشار إلى أن النجمة اللبنانية أعلنت في نهاية العام الماضي انفصالها عن خطيبها رجل الأعمال السوري ناريغ ناربيكيان، من دون الكشف عن الأسباب.
