احتفت الفنانة مي عمر مع فريق عمل مسلسل "إش إش" بانتهاء التصوير، ونشرت فيديو عبر حسابها على "إنستغرام"، برفقة زوجها ومخرج العمل محمد سامي، وفريق العمل وهم يهتفون بكلمة "فركش" في إشارة إلى إتمام التصوير.
وعلقت مي على الفيديو: حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد.
مي عمر: فريق عمل "إش إش" كان سر نجاح كواليس هذه التجربة
واصلت مي في منشورها: شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل.. فريق العمل في "إش إش"، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل.
وأضافت: بجد، ما حسيتش إني لوحدي لحظة، كلنا كنا إيد واحدة، ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم.
مي عمر لـ محمد سامي: شكرًا على صبرك
وجهت مي عمر رسالة أيضًا إلى زوجها ومخرج العمل محمد سامي، قائلة: شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها، وشكرا إنك بتعرف ازاي تخرج مننا أفضل ما عندنا، وعلى إبداعك وتوجيهك في كل مشهد.. شكرًا إنك كنت قائد حقيقي لينا وخلّيت "إش إش" يبقى تجربة ما تتنسيش.
واختتمت: منتظرة بفارغ الصبر تشوفوا "إش إش"، وأتمنى توصل ليكم مشاعرنا بنفس القوة اللي حسيناها.. شكراً لكل واحد كان جزء من الحلم ده! وبوعد الجمهور إن شاء الله هيتفرجوا علي مسلسل متعوب على كل شوط فيه.. مسلسل "إش إش" بإذن الله هيكون مسلسل بيحترم ذوق الجمهور.
قصة وطاقم عمل مسلسل "إش إش"
أوضحت مي عمر في وقتٍ سابق، تفاصيل شخصيتها في المسلسل، حيث تؤدي دور راقصة. وأكدت أن العمل يتجنب المشاهد الجريئة، مما يجعله مناسبًا للعرض خلال الشهر الكريم، وصناع العمل يسعون إلى تقديم محتوى يتماشى مع قيم شهر رمضان، ويضيف لمسة فنية مميزة.
ويُعد مسلسل "إش إش" من الأعمال المنتظرة بشغف في رمضان المقبل، إذ يضم مجموعة من النجوم البارزين، بما في ذلك انتصار، وماجد المصري، وإدوارد، وعصام السقا، وإيهاب فهمي.
