انتهت رحلة مسلسل "العميل" مع عرض الحلقة الـ87 والأخيرة، والتي لاقت تفاعلاً واسعاً بين المشاهدين، وتمكن العمل من كسب الرهان حتى النهاية.
ووجه أبطال "العميل" رسائل مؤثرة إلى الجمهور وكادر العمل، عقب عرض الحلقة الأخيرة.
وسام فارس: مش عم صدق إنّو خلصت قصّتنا
نشر الفنان اللبناني وسام فارس، الذي لعب شخصية وسام، مقطع فيديو من كواليس تصوير "العميل"، وعلق عليه بكلمات مؤثرة.
وقال: مش عم صدق إنّو خلصت قصّتنا، متلي متلكن ما كان بدي أنو تنتهي، بس حابب فكّر أنو يمكن نهاية حكاية هيي بداية حكاية جديدة.
وأضاف: بشكركن على كميّة الحب والطاقة الإيجابية طول هالفترة، ما بتتخايلو قدي أنا، وكل الممثلين الزملاء وطاقم العمل بيعنيلنا أنو كل هالتّعب يلقى نتيجة، وهيك ردة فعل منكن، رح نشتقلكن على قد ما إنتو كمان رح تشتاقولنا.
كما شكر وسام زملاءه وطاقم العمل من إنتاج وإخراج، الذين أحاطوه بالدعم منذ انضمامه للمسلسل.
رسائل شكر من نجوم العميل
شاركت الفنانة ميا سعيد، التي أدت شخصية نور، صوراً من كواليس العمل والحلقة الأخيرة، وكتبت: النهاية.. بدي أشكر أحلى ممثلين عاشوا معي هالتجربة الحلوة والصعبة، وكل شخص اشتغل وتعب ورا الكاميرا، وكل كلمة من قلبكون وصلت لقلبي يا أحلى وأوفى مشاهدين.. قصتنا الليلة خلصت.
وشكرت بدورها طاقم العمل، ومنصات العرض، وأضافت: إن شاء الله بشوفكون قريباً بعمل جديد وشخصية جديدة.
جاد الخطيب: سنة رائعة.. ناس حلوة ورفقة جديدة
أما الفنان جاد خطيب، يامن في العميل، فقد نشر بدوره بضع لقطات من كواليس العمل، ووجه رسالة شكر خاصة لكل من يارا صبري، سامر إسماعيل، وميا سعيد.
وقال في البداية: عن سنة رائعة، عن ناس حلوة، عن رفقة جديدة، عن زملاء بيجمعنا نجاح العمل للأبد، عن cast فخور إني منه وفيه وممنون لكل لحظة طلعلي خبر هالقصة معه.
وأضاف: ممنون، هالتجربة غيرتلي حياتي، وكتير حلو إن عشتها مع كل الممثلين وفريق العمل وأنتو، أكبر وأهم شقفة من كل هالتجربة، أنتو وحبكن ودعمكن... بوعدكن ما رح طول، بشوفكن قريباً.
وفي رسالته للفنانة يارا صبري، قال جاد: بتعرفي قدي بحبك على صعيد الشخصي.. بس بدي أشكرك عكل شي وبالأخص على راحة وجمال الشغل معك، كممثل بأول مسيرته، أعطيتِني مجالا لأكون، أمنتي مساحة آمنة وحلوة وفنية سمحت لي أخلق يامن بكل ثقة وحرية.
وللفنانة ميا سعيد: رفيقتي الجديدة، كمان بتعرفي قدي بحبك، يا سوبر ستار.. بتخيل واضح ع الكاميرا قدي مرتاح معك، شكراً عكل شي، عكل مشوار، عكل نصيحة، عكل ضحكة، عكل قهوة، بتمنى من قلبي يرجع يجمعنا عمل.
وقال للفنان سامر إسماعيل: شكراً على تواضعك وكرمك، يمكن ما بتعرف، بس تعلمت منك كتير، على الأخص في مجالنا، قليل الناس اللي بتخبرك عن هالأشياء، ممنون، الشغل معك متعة، أخي أمير.
