طرح الفنان محمد الشرنوبي أحدث أعماله الغنائية على طريقة الفيديو كليب بعنوان "مش كتير"، عبر قناته على منصة "يوتيوب"، وجميع المنصات الرقمية.
طرح أغنية "مش كتير"
روّج محمد الشرنوبي لأغنيته الجديدة عبر حسابه على منصة التواصل الاجتماعي "إنستغرام"، الأمر الذي لاقى تفاعلاً واسعاً من قبل متابعيه.
وتستعرض أغنية "مش كتير" قصة حب رومانسية بين اثنين يتنقلان في مراحل مختلفة من علاقتهما. والأغنية من كلمات مصطفى ناصر، وألحان وتوزيع موسيقي محمد الشرنوبي نفسه، فيما تولّى عمار خاطر ميكس وماستر الأغنية. وأخرج الفيديو كليب المخرج عمرو المهدي.
عودة محمد الشرنوبي للون الرومانسي
تأتي "مش كتير" لتستكمل نجاحات محمد الشرنوبي في اللون الرومانسي، وهو اللون الذي قدمه، مؤخراً، في أغنيته "قلبي" التي نالت إعجاب الجمهور، وحققت نجاحًا كبيرًا على منصات السوشيال ميديا.
وجاءت كلمات الأغنية كالتالي:
مش كتير
اللي انت شايفة مش كتير
عمري كله يهون وأشوف قلبك بخير
تبقى أول حد عندي
وتبقى بردو انت الأخير
مش كتير
من زمان
قبل أمّا أقابلك من زمان
وانت جوه في قلبي متشالك مكان
مش ضروري أحكي اللي شايله في قلبي
ما اللي في قلبي بان
من زمان
لو هسيبلك روحي تفضل بين إيديك
امتى كان في الدنيا حاجة كتير عليك
لو في نجمة بعيدة وانت عايزني أجيبهالك
هطير
مش كتير
لو هعيش أكتر من اللي اتعاش سنين
مش هقابل زي قلبك مرتين
يبقى لما الناس دي تبقى في كفة
وانت في كفة غير
مش كتير
باختصار لما اتقابلنا باختصار
اتكتب لليل في قلبي يشوف نهار
فرقنا والفرق بين قلبك وبين الناس كبير
مش كتير .. مش كتير
لو هسيبلك روحي تفضل بين إيديك
امتى كان في الدنيا حاجة كتير عليك
لو في نجمة بعيدة وانت عايزني أجيبهالك
هطير
مش كتير
لو هعيش أكتر من اللي اتعاش سنين
مش هقابل زي قلبك مرتين
يبقى لما الناس دي تبقى في كفة
وانت في كفة غير
مش كتير
مشاركة آية عبدالرازق والتصوير في 6 أكتوبر
شهد كليب "مش كتير" مشاركة الفنانة آية عبدالرازق، ملكة جمال مصر لعام 2020، وتم تصوير الكليب في أحد المسارح في مدينة 6 أكتوبر، ما أضاف إلى الكليب طابعًا فنيًا مميزًا.
