وجّه الفنان المصري أحمد زاهر رسالة مؤثرة إلى ابنته ليلى عقب زفافها على المنتج هشام جمال، بكلمات لمست قلوب جمهوره بصدقها النابع من قلب أب يزف ابنته إلى عش الزوجية.
رقصة تختزل العمر
نشر الفنان أحمد زاهر مقطع فيديو عبر حسابه الرسمي على منصة التواصل الاجتماعي "إنستغرام"، وهو يرقص مع ابنته ليلى على أنغام أغنية "بنت أبويا"، وكتب تعليقاً مؤثراً قال فيه: وأنا داخل أرقص معاكي، شفت وشك اللي زي القمر، أجمل عروسة في الدنيا كلها، بصيت في عينيكي، وفجأة مر قدامي شريط ذكريات من أول لما جيتي الدنيا، وأنا أول واحد شيلتك بين إيديا، وشفت كل لحظة وإنتي بتكبري قدام عنيا، لحد اللحظة اللي إحنا بنرقص فيها مع بعض وإنتي عروسة زي القمر، وخلاص هاتسيبيني وتمشي مع عريسك.
دموع الفرح ومشاعر متناقضة
أضاف أحمد زاهر في رسالته لابنته ليلى: حسيت بمشاعر كتير متناقضة ومختلفة، والدموع نزلت من عيني غصب عني. وحسيت إني عاوز أقولك لا، متمشيش وتسيبيني، وارجع في كلامي، بس في نفس الوقت أنا عارف إن دي أجمل لحظة في حياتك، إنك اخترتي اللي بتحبيه وبيحبك، وبصراحة اخترتي صح.. راجل محترم، وبيحبك وبيقدرك، وهايشيلك جوا عنيه زي ما وعدني.
واختتم أحمد زاهر رسالته لابنته ليلى قائلاً: مبروك يا بنت عمري، يا بنت قلبي، بحبك يا أجمل بنوتة، وأجمل عروسة في الدنيا كلها، بحبك يا ليلى.
حضور فني كبير في حفل زفاف ساحر
أُقيم حفل زفاف ليلى أحمد زاهر على المنتج هشام جمال مساء الأربعاء الماضي في منطقة هرم سقارة، بحضور عدد كبير من نجوم الفن والغناء الذين حرصوا على مشاركة العروسين فرحتهما.
من بين الحضور الذين شاركوا في الاحتفال: يسرا، ليلى علوي، مصطفى شعبان، أحمد السعدني، ريهام عبد الغفور، دياب، داليا البحيري، عبير صبري، كريم العدل، إيهاب فهمي، محمود عبد المغني، محمد ثروت، عصام السقا، سوزان نجم الدين، عمر السعيد، إدوارد، عماد صفوت، أمير شاهين، تامر مرضي، عمرو الليثي، إيهاب توفيق، محمد حماقي، محمد فؤاد، أحمد سعد، بوسي، يوسف الشريف، شيري عادل، درة، أشرف عبد الباقي، وفاء عامر، أحمد رزق، هاني رمزي، أحمد فهمي، شيكو، حسين فهمي، نبيلة عبيد، هالة سرحان، طارق الجنايني، مها سليم، أحمد جمال، إنجي علاء، لقاء سويدان، روجينا، دنيا عبد العزيز، محمد جمعة، رنا رئيس، مي عمر، وغيرهم من نجوم الوسط الفني.
