أطلقت قناة MBC مصر أغنية "أتقل ناس في البلد"، من مسلسل "العتاولة 2"، والتي يغنيها المطرب رضا البحراوي، تمهيدًا لعرض المسلسل في موسم دراما رمضان 2025.
وحققت الأغنية تفاعلًا واسعًا على منصات التواصل الاجتماعي، خاصة بعد نشرها عبر حساب القناة على "إنستغرام".
كلمات أغنية "أتقل ناس في البلد"
الأغنية من كلمات وألحان محمود هلال، وتوزيع حريقة، بينما قام محمد جودة بعمل الميكس والماستر.
وتعكس الأغنية الطابع الحماسي للمسلسل، حيث أضافت قناة MBC مصر تعليقًا على الفيديو: مهما عملتوا صوت، ظهوركم مفيش منه! إحنا الكبار واللعبة ليها قواعدها!.
وتميزت كلمات الأغنية بالاعتزاز والتفاخر، وجاءت على النحو التالي:
إحنا الكبار على كله
واللي غلط مش هنحله
مهما عملتوا أسود
ظهوركوا مفيش منه
إحنا أتقل ناس في البلد
ربنا يحمينا من الحسد
وتاريخنا يقول عننا
أسامينا يا ابني بتعتمد
عمرنا ما في يوم جلينا
ولا حد ليه فضل علينا
أسياد ملناش أسياد
جدعة الدنيا دي فينا
إحنا اللي دايما فوق
راكبين فيها وبنسوق
يا ابني أنتوا حبة كاش
واحنا وحوش السوق
مفيش في بلدك مني
ولا حد أحسن مني
محدش قال عليك
كلها بتقول عني
إحنا رقم 1 ومعروفين في السوق
أبطالها وأعمامها الكل عارف
مابيشغلناش مخلوق
أبطال العمل والجزء الأول
يشارك في الجزء الثاني من المسلسل مجموعة من النجوم مثل أحمد السقا، طارق لطفي، باسم سمرة، زينة، فيفي عبده، مصطفى أبو سريع، وهدى الإتربي.
والمسلسل من تأليف مصطفى جمال هشام، وإخراج أحمد خالد موسى، وإنتاج "سيدارز آرت برودكشن" صباح إخوان.
الجزء الأول من "العتاولة"، الذي عُرض في رمضان 2024، حقق نجاحًا كبيرًا بمشاركة نخبة من النجوم، مثل أحمد السقا، طارق لطفي، زينة، ومي كساب.
