بكلمات مؤثرة، استذكرت الفنانة المصرية إيمي سمير غانم والديها الفنان سمير غانم والفنانة دلال عبدالعزيز اللذين رحلا عن عالمنا عام 2021.
ونشرت إيمي صورة لهما عبر حسابها في "إنستغرام"، وأرفقتها بكلمات مؤثرة وحزينة، تحدثت فيها عن صعوبة الفراق.
إيمي سمير غانم تتحدث عن صعوبة فراق والديها
وكتبت إيمي "كل شوية أقول أمتي أشوفكم، بجد الفراق فعلا من أصعب الحاجات اللي بنحس بيها، ربنا يصبر كل اللي حاسس بيا."
وأضافت الفنانة المصرية "بكون عايزة أحكي لهم بشوف ايه في حياتي ومين مزعلني ويشوفوا ابني، تفاصيل كتير وطبعا الحياة لازم تستمر والكلام اللي انتوا عارفينوا ده، ونشتغل ونربي أولادنا، ونضحك ونعيش أيامنا بس التفكير فيهم مش بيهدأ."
إيمي سمير غانم توجه نصيحة "لكل ولد وبنت"
ونصحت إيمي سمير غانم في منشورها "كل ولد وبنت" بالاهتمام بوالديهم، قائلة "نصيحة مني لكل ولد وبنت، ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم."
وختمت الفنانة منشورها على "إنستغرام" بالفاتحة والدعوة بأن يجمعها الله بهما في الجنة، "ربنا يصبر كل الناس، الفاتحة وربنا يغفر لهم، ويجمعنا بيهم في الجنة".
متابعو الفنانة إيمي سمير غانم على "إنستغرام" وجهوا كلمات المواساة لها ودعوا للفنانين الراحلين بالرحمة ولها بالصبر على فراقهما.
