كشفت النجمة المصرية نجوى فؤاد عن اختيارها مواطنتها الفنانة نيللي كريم لتؤدي سيرتها الذاتية في عمل فني.
نجوى فؤاد تختار نيللي كريم لتقديم سيرتها
وقالت الفنانة المصرية المخضرمة خلال مداخلتها الهاتفية مع الإعلامية يارا أحمد: "أختار نيللي كريم تعمل سيرتي الذاتية، بحب فيها كل حاجة، ربنا يوفقها ويسعدها ويخلي ليها ولادها، هي ست جميلة ولذيذة، وفيها ميزات كتير الحقيقة".
نجوى فؤاد تكشف عن حالتها الصحية
وبشأن حالتها الصحية، أكدت نجوى فؤاد أنها تعرضت لوعكة عادية، وقالت "كل إنسان معرض، وأنا عملت أشعة على رجلي عندي تعب في ركبي والقطنية".
وانتقدت نجوى فؤاد نقابة الممثلين المصريين، وبينت أنها لجأت إلى النقابة من حوالي ثلاثة أشهر لمساعدتها على العلاج، غير أن الأخيرة لم توفر لها سوى "علاج بسيط وتحاليل".
نجوى فؤاد: معنديش مصدر دخل خالص
وأعربت النجمة المصرية عن ألمها لما وصلت إليه من حالة صعبة، وقالت: "معنديش مصدر دخل خالص، ودي حاجات بتبقى خاصة مقدرش أتكلم فيها والحمدلله مستورة"، وتابعت: "معاش النقابة 600 جنيه بس، وأشرف زكي مالوش ذنب هو موظف في الأول والآخر، وأنا مكنش عندي رد غير أني أقوله أشوفك بخير وبشكره أنه اهتم بيا واتصل بيا".
وأضافت نجوى فؤاد "أشرف زكي عرض عليا أني آخد من فلوسه الخاصة لو محتاجة، قولتله لأ مستورة لغاية دلوقتي".
الفن غدار وأعيش على المسكنات
وحول مهنة الفن قالت نجوى: "الفن غدار وكل مهنة غدارة، والفن بيحب الفنان يكون بيبرق على طول وحالته السليمة على طول، وساعات بيكون في مطبات بيقع فيها الإنسان بتكون بإيد ربنا.
وأكدت أنها اعتزلت الرقص منذ 17 عامًا، ولكنها لن تعتزل التمثيل، وقالت "بيجيلي أدوار ولكني مش قادرة أقدم عملاً جيداً، وأكون واعية من غير مسكنات وحقن، مش عايزة أتعب المنتج اللي بياخدني أجي أقوله في النص أنا تعبانة مش قادرة أكمل، والفن ولا أي شغلانة مفيش فيها كلمة أنا تعبان".
قرار عدم الإنجاب
وأضافت نجوى فؤاد خلال اتصالها الهاتفي: "ربنا قسم لي الرقص ونجحت فيه، وربنا أراد أنه ينجحني في الرقص، وشُفت فيه كل الأيام الحلوة، وحب الجمهور أكبر ثروة بالدنيا".
وحول قرارها عدم الإنجاب، قالت نجوى فؤاد "ندمت شوية على القرار، لأن في الظروف اللي إحنا فيها دي مين كان هيربي كويس معايا، أنا مكنتش متفرغة، وكل حاجة ربنا مقسمها، وكله بيتنفذ من عند ربنا".
