شارك الفنان تامر حسني مقطع فيديو لثلاثة مواهب شابة قدمها في إحدى حفلاته عبر حسابه على منصة التواصل الاجتماعي "إنستغرام".
تامر حسني: رسالة صغيرة للمُحبَطين في أي مجال
وجه المغني والممثل المصري تامر حسني من خلال التعليق على مقطع الفيديو رسالة للمحبطين في أي مجال، وقال: بجد أنا فخور إني قدمت الأصوات العظيمة دي، فعلاً يا شباب إنتوا أصوات ومواهب مش عادية ومن أجمل الأصوات المصرية.
وأضاف تامر حسني: عارف إن الزمن ده بقى يبرز ويهتم بأنواع تانية أكتر وعارف إن اللي عندهم موهبة محترمة وحقيقية زيكم كده بيبقوا زعلانين وبيحسوا إنه مش زمانهم، عشان كده بقي موضوعكم شاغلني وواخد حيز كبير من حياتي.
ولفت الفنان إلى أن إحباط الأشخاص الجيدين في أي مجال والذين يستحقون الدعم، هو إحساس صعب و"يقهر قلب أي حد"، خاصة إن وجدوا أن الناس تحتفل وتمجد بإنسان "تافه" أو "مزقوق بواسطة" أو "فاشل".
تامر حسني يقدم وعداً ونصيحة للموهوبين والمحبطين
وعد تامر حسني الموهوبين بأنه سيحاول خلال الفترة المقبلة أن يدعمهم رغم اعتراض البعض في الحفلات لرغبتهم بمشاهدة النجم الذي جاؤوا لمشاهدته على المسرح، وقال: أنا هحاول الفترة الجاية إني أدعم الموهوبين بكذا شكل تاني حتى لو بسيط ولو عالمسرح هيبقى فقرة واحدة، فجايز تفرق في حياتهم وتخليهم لما ربنا يكرمهم وينجحوا يكونوا حابين الخير لغيرهم ويقدموا ناس بعدهم يستحقوا.
ووجه الفنان المصري النصح للموهوبين والمجتهدين وقال "الحقيقي منكم هو اللي هيستمر، متقلقوش دوركم الجميل جاي، إطمنوا، بس أوعوا تبطلوا سعي"، مشدداً على أهمية أن يستمروا في سعيهم.
