أصالة تصدر أغنية جديدة "سوريا جنة".. وتعبر عن شوقها لبلدها

أصدرت الفنانة أصالة نصري أغنية جديدة لبلدها سوريا، معبرةً من خلالها عن مشاعرها وتعاطفها مع الشعب السوري. 

"سوريا جنة" أغنية جديدة لأصالة 

نشرت الفنانة أصالة نصري عبر حسابها على "فيسبوك" أغنية جديدة لسوريا تحمل اسم "سوريا جنة"، من كلمات بتول زيدان - يارا أحمد، ومن ألحان وتوزيع علي حسون.

وعلقت أصالة: مشاعر مختلطة كلها قوية خوف أولاً من إنه ينسى الواحد فينا شو كنا وشو أصلنا.. نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطون من ديانات مختلفة وثقافات مختلفة وبساطة وشهامة ومحبة وتسامح وما في شي حيخلينا نتجاوز ونكبر ونحقق ونعلى غير التسامح وما رح نقول مو وقتها لسه الجرح طازه.

وأضافت في رسالتها: رح نقول نحنا أهل سوريا العظيمة الطيبة سوريا التاريخ اللي بيعشقها شعبها، ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر؛ لأننا بالآخر هون عنا أهل وحبايب وهون عنا أهل وحبايب، وبدنا نتوحد وبدنا نعمر هالبلد الحلوة اللي ما في أحلى من ترابها وشجرها وبيوتها وأهلها الطيبين الحناين.

أصالة: بدي أقعد على كرسي بساحة من ساحات الشام

عبرت أصالة عن شوقها لدمشق وكتبت: بدي أقعد على كرسي بساحة من ساحات الشام عند بياع الصبارة بدي أشتري فستق حلبي من كل البياعين على طريق الربوة بدي شوف سوريا عروس.

ودعت الفنانة إلى بناء الدولة بالحب، معلقةً: كللي أمل وكللي ثقه نحنا لقدّام ورح نكون ومابقى نقبل مانكون ورح نبنيها بالحب لأنها بس بالحب رح تعمر ورح تعمر.