خرج الناشط الاجتماعي خالد عبلِّـي عن صمته اليوم، بعد رحيل صديقه في حادث السير الذي تعرضا له وأصدقاؤهما في جنوب أفريقيا يوم السبت.
وكشف خالد عبلِّـي تفاصيل اللحظات الأخيرة ما قبل الحادث من خلال نشر صورة جمعته بصديقه الراحل عبود العمري على "إنستغرام"، وكتب: "يا الله شو مبسوط.. هاي آخر جملة حكالها أخوي عبدالله العمري قبل الحادث بدقائق".
وأضاف صديق الراحل: "كنت أقرب حدا لقلبي وأطيب وأحن قلب بالدنيا كلها.. كان في أحلام كثير بدنا نعملها سوا، كان في نجاحات كثير بتستنى فينا، كان يضّل يحكيلي أنت أكثر حدا بضحكني يا خالد ، الله يرحمك يا روحي ويرحم ضحكتك اللي ماكانت تفارق وجهك".
وأشار خالد عبلِّـي إلى أن عبود العمري كان يردد قبل شهرين من وفاته جملة: "حاسس ربنا مخبيلي إشي حلو"، وكتب: "أنا متأكد هسا أنّك عند الأحسن منّي ومن أي حدا في الدنيا كلها .. الله يرحم روحك الطاهرة ، لقائنا بالجنة يا أخوي".
وأكد خالد عبلِّـي أن عبود العمري نطق الشهادتين قبل وفاته ثلاث مرات قائلا: "لَا إِلَٰهَ إِلَّا ٱللَّٰهُ" "مُحَمَّدٌ رَسُولُ ٱللَّٰهِ".
ونشر صديقه الآخر الذي شارك بالرحلة، مدون الكوميديا أيمن عبلّي، صورة جمعته بالراحل قبل وفاته عبر صفحته على "إنستغرام"، وكتب: "كيفك يخوي كيفك يا حبيبي كيفك يا حنون كيفك يا أبو قلب أبيض ياخوي اكيد انت منيح لانك عند رب العالمين اللي أحن وأكرم من أي حدا عليك".
وكشف أيمن عبلّي محادثة جمعته بالراحل عبود العمري، وعلق: "عارفين شو حكالي الحنون قبل الحادث بدقايق.. حكالي أيمن عيد ميلادك كمان يومين رح أعملك ياه بمكان كثير حلو.. يا حبيب عمري أنت يا روح قلبي أنت.. لا اعتراض على حكمه الحمدلله " الحمدلله الذي لا يحمد على مكروه سواه".
وأضاف صديق الراحل: "ياخوي كنا متحمسين نرجع عالبلد سوا ونحضر مسلسلنا برمضان سوا لكن الحمدلله على كلشي.. بتذكرك بتذكر كل تفاصيلك وبتدكر اخر كلامك "يا الله انا كثير مبسوط " اكيد ان شاء الله مبسوط عند ربنا اكرم الاكرمين".
وكتب صديق الراحل الذي شاركه الرحلة الأخيرة مدون المحتوى محمد أبو شقرا عبر صفحته على "إنستغرام": "احنا بخير الحمد لله ما في غير جروح ورضوض عندي وعند كل الشباب.. ومبارح بالليل طلعنا من المستشفى كلنا الحمد لله، الحادث اللي صار ما بطلع منه حدا عايش، لأنو عجل السيارة انفجر 4 مرات.. بعدها ربنا ما اختار غير عبدالله.. ياريت كنت أنا محله.. الله يرحم روحه.. لا تنسوه من دعائكم"، وأكد ما كتبه خالد عبلِّـي: "الحمد لله نطق الشهادتين ومات مبسوط".
