نشرت الفنانة الاستعراضية المصرية دينا عبر صفحتها في إنستغرام، مقطع فيديو كشفت فيه السر وراء حفاظها على شبابها ورشاقتها، وردّت فيه كذلك على الأسئلة التي تطرح عليها باستمرار حول عدم ظهور علامات التقدّم في السن على ملامحها.
دينا: عمري ما نمت وفي وشي مكياج ومباكلش غير مرة في اليوم
وقالت في الفيديو الذي نشرته ضمن برنامج جديد لها بعنوان "اسمع مع دينا"، "أحيانا بيقولوا حاجات تضحك بيقولوا إنتي كبرتي يا دينا، ويقولوا إنتي مبيبانش عليك الكبر ليه، مببقاش فاهمة ببقى ضايعة بين الاتنين، هو أنا كبرت ولا مبيبانش عليا الكبر أنا مبتأثرش أوي".
وأضافت دينا "إنما أنا مش معترضة هو أنا كبرت بجد ومبيبانش عليا الكبر، ليه إيه السبب أنا شخص من وأنا عندي 15 سنة لحد النهاردة عمري ما نمت، وفي وشي مكياج وعمري ما حطيش كريم بالليل والنهار، عمري ما ملعبتش رياضة يا برقص يا بلعب رياضة، مباكلش غير مرة في اليوم طول عمري الصيام المتقطع اللي طالعين فيه جديد دا بعمله من وأنا عندي 15 سنة".
دينا: يا رب توصلوا لسني وتبقوا زيي
وكشفت خلال حديثها "أنا شخص مبيحبش الأكل بحب طبعا نعمة ربنا بحب كل أصناف الأكل إنما مفيش حاجة عندي أحسن من نفسي بحب نفسي أكثر من أي حد في الدنيا فبالتالي بقدر أحافظ على نفسي إني أقدر أوصل لسن معين وأنا محافظة على نفسي مبزعلش إنك بتقولوا كبرتي؛ لأن دي حقيقة مش مضايقاني في حاجة خالص ويارب توصلوا لسني وتبقوا زيي".
