ردّت الإعلامية المصرية، رضوى الشربيني، على رسالة أحد متابعي برنامجها التلفزيوني "هي وبس"، بعدما تساءل عن سبب مهاجمتها للرجال الخائنين.
وقالت الشربيني للمتابع: "كلنا عارفين إن الرجالة بتخون، يا أما فيه راجل فرفوش بيحب الستات، يا أما مبدأه التعدد، ولكن إنه يخون تحت ضغط هذه أول مرة بسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي ضغط".
وأضافت الإعلامية: "قانون التحرش مش للستات بس، للرجالة كمان، روح بلغ عنها وإحنا كلنا في ضهرك، وأوعى تتكسف على فكرة، لكن فكرة إن البحر يحب الزيادة فأحب أقول لحضرتك إننا في 2023 الحكاية أصبحت معكوسة عشان الرجالة صارت عاملة زي بوفيه الأكل المفتوح اللي الأكل من 4 لـ 5 أيام عليه، كل واحدة تعدي تأكل وتمشي وفيه اللي بطنها بتوجعها فمش بتكرر الأكل منه مرة تانية، وفيه اللي متعودة على الأكل الحمضان ده".
وتابعت رضوى الشربيني: "لو الضغوط هذه لأن انت زي الطفل مع الستات اللي بيمارسوها عليك، فأشمعنا بتتحول لراجل على مراتك وتفضل تشخط وتزعق وتجعر والجيران يفضلوا يسمعوك، وإلا الماما طلعتلك أن ألف مين يتمناك، كده روح اتعالج عشان تكون راجل مش متاح أو محترم احتمال برضه".
وواصلت حديثها في رسالتها: "على فكرة أنا مش بهاجم الرجالة الخاينة، عشان مش هيستحملوا مني دقيقتين اتكلم عليهم، أنا بس يُطلب مني أعلق على حاجة من حد أو حد بيأخد رأيي مش أكتر".
يُذكر أن رضوى الشربيني دائما ما تثير الجدل بتصريحاتها عن الرجال، وكان آخرها ما كشفته في تصريحات تلفزيونية سابقة عن ضربها لأحد الرجال قائلةً: "أنا اتعرضت لموقف نادر في حياتي قبل كدا، وإني ضربت راجل لما عاكسني بشكل أوفر، وبقول للرجالة افهموني صح، أنا مش عدوة الرجال لكن عدوة الأفعال الغلط تجاه النساء، وبقولك كن رحيماً بهن ولازم تكون راجل قد المسؤولية".
