استمرت الفنانة المصرية، فيفي عبده، بحديثها عن أسرار حياتها الخاصة والعملية، كاشفة عن موقفها من الحكم الشرعي حول المردود المالي من الرقص، في أحدث تصريحات تلفزيونية لها.
فيفي عبده تكشف سر الأمان
اعتبرت فيفي عبده، خلال استضافتها في برنامج "حبر سري" الذي تقدمه الإعلامية أسما إبراهيم، أن "قمة الأمان تتجسد في مصر وليس في الفلوس أو الشهرة، قائلة: لدلوقتي أنا فرحانة ببلدي وعائلتي.
وتحدثت الفنانة عن ضياع أموالها في إحدى الدول، خلال سفرها، مضيفة "أنا مرة فلوسي كلها ضاعت خارج مصر، اتزحلقت من تحت باطي وجيبتها".
فيفي عبده تعلق على "فلوس الرقص حرام"
وعلقت فيفي عبده على الحديث بأن "فلوس الرقص حرام، وتؤدي العمرة أو الحج فيها"، قائلة: أنا مبفهمش لا في الدين ولا في السياسة، واللي يفتي في الحلال والحرام الناس بتوع الدين ودلوقتي كل واحد عايز يعمل قاضي.
وأشارت إلى أنها لا تحب الحديث عن سر الحج والعمرة، التي تؤديهما باستمرار، منذ 37 عاما، خاصة وأنها متجهة لله –سبحانه وتعالى-، موضحة: ربنا هو اللي هيديني المكافأة مش العبد، ومش بعمل للعبد علشان يقولي حرام ولا حلال بس عايزة أقول كفاكم بقى أنا زهقت من كلامكم كل شوية تقولوا الرقص حرام، مش أنا اللي اخترعت الرقص، وكأن أنا اللي اخترعته مع الفراعنة الرقص ده فن ومحترم.
وزادت فيفي عبده، أن الله هو الذي يحكم إن كانت نقود الرقص حلال أم غير ذلك، معلقة: الرقص مهنة زي كل المهن وأنا بتعب وأشقى وبروح وربنا اللي يعلم بيا.
وأكدت: أنا ماشية بما يرضى الله ومبظلمش حد وإذا كنت اتجوزت ده حلال ربنا وعملت عمرة وحج زي أي مسلم، وأنا راضية ومرضية من جوايا جدا.
فيفي عبده تختار بين "الحب والفلوس"
وأكدت أنه لو كان وضعها المالي جيد ستختار الحب، لكنها لو كان وضعها المالي صعب ستختار الرجل الغني وليس الفقير.
وقالت فيفي عبده: أنا يهمني الحب في الجواز ومش عايزة الفقير اللي هيفقرني، أنا عايزة العريس اللي اتجوزه يكون في نفس مستوايا يا ملزمنيش، لو اجتمع العريس الغني مع الحب يبقى كويس، ولو اخدنا حد فقير واغتنى بيفلسع.
أخبار ذات صلة
فيفي عبده: أحب الحياة وهذا دعائي اليومي
وأكدت فيفي عبده أنها كل يوم تدعي الله بطول العمر، معلقة: لإني مشوفتش الدنيا، المرض بيخوفني وغدار وعلشان كده الصحة تاج على الرؤوس.
وبينت الفنانة أنها تحب الحياة كثيرا لأنها لم ترَها، متابعة: أنا طول عمري بجري وبشتغل ومشوفتش الحياة شقيانة في شغلي، مروحتش شرم الشيخ صورت فيها لكن مشوفتهاش، وعايزة أستمتع بالحياة.
وتابعت: قلت لأولادي لو مُت سيبوني يومين بره تتأكدوا إني مت فعلا لأن في ناس يصابوا بغيبوبة سكر ويرجعوا يفيقوا، وفي قصص كتير متداولة على السوشيال ميديا.
أخبار ذات صلة
