سهير رمزي: تفرغت للعبادة في ليلة النصف من شعبان.. وعيد ميلادي أصبح ثقيلا

كشفت الفنانة المصرية سهير رمزي أن الاحتفال بيوم ميلادها الذي يصادف 3 آذار/ مارس، أصبح ثقيلاً على قلبها بعد وفاة والدتها، معبرة عن حزنها برحيل سنة من حياتها.

وقالت رمزي في مداخلة هاتفية عبر برنامج "الستات": "كنت بحب عيد ميلادي أوي لما كانت والدتي عايشة، ومن ساعة ما ربنا رحمها بقى عيد ميلادي تقيل شوية عليا، لأنه برجعني باللي كانت تعملهولي".

وأضافت الفنانة المصرية: "الحمد لله ربنا بيعوضني بحاجات حلوة، وربنا تملي حنين عليا وجوزي بيعمل لي حاجات لذيذة في عيد ميلادي وأصحابي وأهلي حتى لما دخلت الاستديو أصور فاجؤوني واحتفلوا بعيد ميلادي، وحب الناس هو ده الطقوس الحلوة اللي أنا بحبها".

وأكدت سهير رمزي أنها تشعر بالحزن في يوم ميلادها بسبب رحيل سنة من عمرها، وعلّقت قائلة: "بزعل عشان في سنة راحت مني، وما أبقاش فرحانة أوي، وبقعد أحاسب نفسي وبقول يا ترى السنة الجاية هتبقى عاملة إزاي، ويا ترى عملت فيها حاجات حلوة ولا لأ، وبصالح أي حد زعلته لأني مش عارفة هكون موجودة السنة الجاية ولا لأ".

وأعربت عن سعادتها بالمكالمات الهاتفية التي تلقتها في يوم ميلادها، وقالت: "كل المكالمات اللي جات لي في عيد ميلادي أسعدتني، والسنة دي بحمد ربنا اني ما حاولتش اعتذر لحد لأني مش مزعلة حد مني وكل صحابي حلوين وكويسين، ولكن في سنة من السنين كلمت أحد أصدقائي واعتذرت له وقلت أنا آسفة وسامحني".

من جهة أخرى، أكدت سهير رمزي أنها قررت المكوث في المنزل دون عمل، وذلك لإحياء ليلة النصف من شعبان، مشيرة إلى أنها اعتذرت اليوم عن تصوير مسلسلها "أم البنات"، للتفرغ للعبادة.

وقالت الفنانة المصرية: "قررت النهاردة ما اشتغلش، وقلت ليهم سيبوني لأنه اليوم ده بيجي يوم في السنة، والواحد بيكون محتاج يقعد مع نفسه ويقرأ قرآن ويصلي كتير ويدعي لربنا، وسعيدة انه جاي بأيام عيد ميلادي".

على الصعيد الفني، كشفت الفنانة سهير رمزي عن برومو مسلسلها الجديد "أم البنات" المقرر عرضه ضمن مسلسلات رمضان 2023.

وأطلّت سهير رمزي في البرومو الدعائي بدور معلمة قوية وأم لخمس بنات تحاول مواجهة من حولها كي تستطيع تربية أبنائها وحدها.