أعلن نجم برنامج المواهب "ذا فويس كيدز" المعتزل خالد الفايد، انتهاء أزمته مع المنتج هاني محروس، وذلك بعد مرور ساعات قليلة على تصاعد الخلافات بينهما، بسبب عدم التزام الأول بالعقد المبرم بينهما، واعتزاله الغناء.
وكتب الفايد عبر صفحته الرسمية في "فيسبوك": "الموضوع بيني وبين أستاذ هاني محروس اتحل، وإن شاء الله مفيش أي حاجة، وشكرا جدا للأستاذ هاني إنه تفهّم الوضع وقال مفيش حاجة خلاص ومش هعمل أي حاجة، وربنا يقدم الخير، وإن شاء الله أكون في مصر خلال أيام".
ووجه رسالة شكر لكل من دعمه في حل أزمته: "وشكرا بجد ان صوتي وصل ولقينا حل مع استاذ هاني محروس وشكرا للاستاذ سيد حجاج على تدخله وحصل خير يا شباب، وأنا خلاص همسح البوستات اللي فاتت".
وأضاف الفايد: "ادعولي ربنا يثبتني علي طريق الحق وان شاء الله ف مصر لما انزل بيتي مفتوح لاي حد من اهلي وحبايبي اللي وقفوا جمبي ودعموني.
واختتم منشوره مشيرا إلى استعداده لتسجيل القرآن بصوته: "وان شاء الله اسجل القران الكريم كامل بصوتي قريبا وانزله عندي، الحمد لله رب العالمين، والله بحبكم في الله ويشهد الله على ما في قلبي من محبة ليكم".
خالد الفايد يرد على تصريحات هاني
يذكر أن الفايد كان قد خرج عن صمته أخيرا، وردّ على تصريحات المنتج هاني محروس الأخيرة، والتي نفى من خلالها تعرض الأول لتهديدات بسبب التعاقد المبرم بينهما، مشيرا إلى أن كل ما جرى تداوله غير صحيح.
ونشر الفايد عبر صفحته الرسمية في "فيسبوك" مجموعة صور كشف من خلالها المحادثات التي جرت بينه وبين محروس، إضافة إلى المحامي الخاص بالأخير، وعلق قائلا: "لا يا باش مهندس هاني انت هددتني وشتمتني ودوست على كرامتي لمجرد اني عايز اصلي واقرب من ربنا وابطل غنا".
وكشف تفاصيل لقائه مع محروس: "ولما جبت اهلي وجيتلك علشان نحل الموضوع انت خيرتني قلتلي لو عايز عقدك تاخده معنديش مشكلة، ولما قلتلك تمام هات العقد عليت صوتك على اهلي اللي كانوا ضيوف عندك و قلتلهم أنا صارف مليون جنيه على خالد".
وأضاف: "دا والله العظيم كذب وزور انت كنت بتديني 600 جنيه كل أسبوع والله شهيد على الكلام ده وأن أنا مش بفتري عليك ابدا ولا بحب افتري على حد، وقولت مليون جنيه علشان انت عارف اني شاب بسيط لا املك المبلغ ده".
وروى الفايد الحديث الذي جرى بينه وبين محامي محروس: "وبعد تهديداتك المحامي بتاعك استاذ خالد شوب أنا اسف ليه جدا اني هقول كدا لأني مضطر بجد وربنا يعلم كلمني قالي هاني هيقوم عليك حرب وبيقولي اتخذ اجراءات ضدك وأنا مش قادر أعمل أي حاجة معاك لإنك شاب طيب وابن حلال ومقدرش اضرك".
وتابع: "قالي حاول تتصرف وتشوف حل وكان الحل قدامي إني امشي واسيب البلد وبعتلك ناس تتكلم معاك من حبايبك وانت مقدرتش حد وقلت دي اجراءات وهمشي فيها".
وطلب الفايد من متابعيه مشاهدة المحادثات التي جرت مع محروس، قائلًا: "ادخلوا شوفوا الاسكرينات وكمية الإهانة لكرامتي ومعاملته ليا وشتايمه وبعد دا كله بيهددني.. هو أنا مش هعرف اصلي واقرب من ربنا وابطل ذنوب وأنا في بلدي".
واختتم منشوره: "كنت بتصلي في كنيستك ومحدش بيتكلم معاك وربنا يعلم أنت لو صرفت عليا مليون جنيه كان زماني معايا عربية وشقة ومتجوز يعم لكن أنا مشوفتش منك ملايين ابدا".
