ردّ الملحن محمد رحيم على الفنان رامي صبري، بعدما اتهمه بمحاربة نجاح الآخرين، ومنهم الفنان عمرو مصطفى، بعد نجاح أغنيته "بشرة خير"، واصفا نفسه بصديق النجاح.
وقال رحيم عبر حسابه الشخصي في "فيسبوك": "ردي على صديقي الفنان الكبير رامي صبري بعد اتهامه لي في وسائل الإعلام إني بهاجم النجاح مع كل الحب والتقدير.. أولًا يعلم الله سبحانه وتعالى إني معنديش أدنى وقت أضيعه في إني أدخل في أي مواضيع نظرًا لانشغالي بمجموعة أعمال مهمة جدًا إن شاء الله الناس هتشوفها قريب".
وأضاف أنه بعد حل النزاع بين صبري ومصطفى تم ذكر اسمه من قبل الأول بشكل غير لائق خلال مداخلته على إحدى الإذاعات المحلية، ليُنقل له الحديث من قبل ابنته وجمهوره، لذلك اتجه للرد عليه، بغية تصليح المغالطات التي حصلت.
ووجه رسالة في منشوره لصبري: "أنت قلت في المداخلة بالنص إنك سنة 2013 هاجمتني بنفسك علشان أنا كنت (بحارب نجاح) كان أخويا الفنان عمرو مصطفى حققه وقت ما قدم أغنية بشرة خير، وكأن أنا راجل معنديش حاجة أعملها غير إني أهاجم وأحارب الناس الناجحين وأنت اللي وقفت في وشي".
ووصف كلام صبري "بالمغلوط والمسيء" لذلك كان عليه كشف الحقيقة للجمهور، لأنه صمت عليها لسنوات طويلة احتراما للعشرة التي تجمعهما كنجوم.
وأكد رحيم أنه لا يحتاج لمزيد من الشهرة أو التاريخ لمحاربة الآخرين، إذ يدعي الله بالتوفيق والنجاح لجميع زملائه.
وأشار إلى أن لحن "بشرة خير" مطابق للحن عملين من أعماله: "اللي حصل ساعتها إني علقت إن لحن بشرة خير شبيه إلى حد التطابق لعملين من أعمالي وهما أغنية لا كده عاجبين للمطربة الصاعدة إيمان سمير، وأغنية كل ده يطلع منك للنجمة شيرين وجدي، والأغنيتان صدرتا سنة (2004) يعني قبل صدور لحن بشرة خير بـ9 سنين على الأقل".
وأكد رحيم أن صبري استخدم ألحانه في أغانيه: "كما تم إرفاق لحنين آخرين من أعمالي وهما أنا بحب عيونك للفنان عمرو دياب، وأغنية مشاعر للفنانة شيرين عبد الوهاب، واللي حصل إني لقيت نفس اللحنين دول تم استعمالهم في أغاني خاصة بيك وحققوا نجاح كبير معاك من غير ما تضع اسمي عليهم على الأقل جنب اسمك".
وأوضح السبب الذي جعله لم يفضح الموضوع طوال هذه السنوات: "وطبعا الفيديو هيوضح المسألة دي جدًا حتى لغير المتخصصين وواثق أن الجمهور هيتفاجأ وفي ناس كتير هتستغرب أنا إزاي سكت طول السنين دي، والإجابة لأني إنسان مسالم ومحترم وعمري ما أسمح لنفسي أرفع قضية على زميل وأخ ومؤمن بتوارد الخواطر وحسن النية دائمًا، وطبعا دي مش دعوة للتخلي عن الحقوق ولكن العشرة الطيبة والمحبة والصداقة ليها علينا حق".
وتابع: "الخلاصة أنك هاجمتني قبل كده أكتر من مرة وما زلت لأني قلت كلمتين (فضفضة) هما من صميم حقي وقوانين الملكية الفكرية واضحة ومفيهاش هزار في بلدنا وفي كل دول العالم، وكنت بشوف مجهودي وتعبي بينسب لغيري وبستحمل وبسكت عشرات المرات وللأسف أنت اللي زعلان وبتتهمني إني كنت بهاجم النجاح".
وقال رحيم في منشوره إنه لا يهاجم نجاح الآخرين، واصفا نفسه بصديق النجاح، ومؤكدا أنه كان يعلق على ظاهرة سلبية في أسلوب العمل في الوسط الفني، وهي ظاهرة استغلال واستحلال مجهود الناس ونسبه لغير أصحابه الحقيقيين، بحسب تعبيره.
وواصل حديثه غاضبا: "عايز بعد تجربتك الأخيرة مع عمرو اللي سببت المشكلي دي كلها، الناس تحاول تتخيل أنا ساكت على إيه بقالي سنين، ولكن بعد الاعتداء على أعمالي وأفكاري ومجهودي ثم سكوتي وصمتي أطلع بحارب النجاح كمان وكمان أطلع مش عاجب؟، لأ طبعًا ده كلام مرفوض تمامًا وفعلًا أنا مش هسمح لأي حد يقوله وربنا يسامح الجميع".
وبيّن السبب الذي جعله يرد بهذه الطريقة: "وطبعا أنا برد على الملأ لأنه كلامك كان على الملأ، فلذا وجب التصحيح والتوضيح، مع تأكيدي أن عمرو مصطفى طبعًا أنا بعشقه وبحبه من قلبي، وأنت كمان أخويا وبحبك".
وأكد رحيم في نهاية منشوره أنه يحرص على الحفاظ على صورته أمام جمهوره: "الدليل إني أول مرة أتكلم على مواضيع زي دي حدثت منذ سنوات، ولكن زي ما أنت عندك أسرة وعندك جمهور تخاف على شكلك قدامهم، أنا كمان زيك بالظبط، مع تمنياتي بالتوفيق والنجاح الكبير للجميع، أخوك الموسيقار المصري العالمي المجتهد والمحترم والمحب محمد رحيم".
ردي على صديقي الفنان الكبير رامي صبري بعد اتهامه ليا في وسائل الاعلام اني بهاجم النجاح مع كل الحب والتقدير !!! محمد رحيم اولا يعلم الله سبحانه وتعالى اني معنديش أدنى وقت أضيعه في اني ادخل في أي مواضيع نظرا لانشغالي بمجموعه أعمال مهمه جدا ان شاء الله الناس هتشوفها قربب ولكن تعليقا على مشكلتك انت وعمرو مصطفى اللى الحمد لله اتحلت في مداخله اذاعيه وربنا مايجيبش زعل أبدا بين الأخوات ولكن للأسف اللى حصل ان اسمي تم أقحامه من طرفك بشكل لايليق ونظرا لأن المداخله كانت على اذاعه مشهوره فطبعا اتسمعت من بعض أفراد عائلتي ومنهم بنتي وأكيد قطاع كبير من جمهوري اللى بيحبني وبيحترمني وبيحب اعمالى فوجب اني ارد عليك بكل حب واحترام علشان أوضح واصحح المغالطات اللى حصلت في المداخله انت قلت في المداخله بالنص انك سنه 2013 هاجمتني بنفسك علشان انا كنت (بحارب نجاح ) كان اخويا الفنان عمرو مصطفى حققه وقت ماقدم أغنيه بشره خير وكأن انا راجل معنديش حاجه اعملها غير اني اهاجم واحارب الناس الناجحين وانت اللى وقفت في وشي !! وده طبعا كلام مغلوط ومسئ ولازم اصححه وأبين للناس الحقيقه اللى سكتت عنها سنين احتراما للعشره الطويله والصداقه اللى بتجمعنا كلنا اولا انا الحمد لله مش ناقص نجاح وتاريخ بفضل الله سبحانه وتعالى علشان اهاجم اي حد ناجح ربنا يعلم اني بدعي في صلاتي بالرزق والتوفيق لكل الناس وبتمنى الخير للجميع اللى حصل ساعتها اني علقت ان لحن بشره خير شبيه إلى حد التطابق ل عملين من اعمالى وهما اغنيه لاكده عاجبين للمطربه الصاعده ايمان سمير واغنيه كل ده يطلع منك للنجمه شيرين وجدي والأغنيتين صدروا سنه (2004) يعني قبل صدور لحن بشره خير ب 9 سنين على الأقل ونظرا لنجاح بشره خير وفرحتنا كلنا بيها انا قفلت الموضوع تماما ومرضيتش أبين للناس انا بقول كده ليه!!! ولكن الفيديو اللى تحت ده هو الفيصل اللى هيبين للناس اذا كنت بخترع كلام من دماغي ولا كلامي فعلا صح بناء على علم ودراسه وخبره وانت طبعا راجل فاهم ودارس مزيكا برضه زينا !!!!!! كما تم إرفاق لحنين آخرين من اعمالى وهما انا بحب عيونك للفنان عمرو دياب ومشاعر للفنانه شيرين عبد الوهاب واللى حصل اني لقيت نفس اللحنين دول تم استعمالهم في اغاني خاصه بيك وحققوا نجاح كبير معاك من غير ما تضع اسمي عليهم على الاقل جنب اسمك وطبعا الفيديو هيوضح المسأله دي جدا حتى لغير المتخصصين وواثق ان الجمهور هيتفاجئ وفي ناس كتير هتستغرب انا ازاي سكتت طول السنين دي والاجابه لأني انسان مسالم ومحترم وعمري ما اسمح لنفسي ارفع قضيه على زميل وأخ ومؤمن بتوارد الخواطر وحسن النيه دائما وطبعا دي مش مني دعوه للتخلى عن الحقوق ولكن العشره الطيبه والمحبه والصداقه ليها علينا حق والخلاصه انك هاجمتني قبل كده أكتر من مره ومازلت لأني قلت كلمتين (فضفضه) هما من صميم حقي وقوانين الملكيه الفكريه واضحه ومفيهاش هزار في بلدنا وفي كل دول العالم وكنت بشوف مجهودي وتعبي بينسب لغيري وبستحمل وبسكت عشرات المرات وللأسف انت اللى زعلان وبتتهمني اني كنت بهاجم النجاح لأ انا قطعا مش بهاجم النجاح لأنني والحمد لله صديق النجاح انا فقط كنت بعلق على استحياء وخجل على ظاهره سلبيه جدا ومتكرره في أسلوب العمل في الوسط الفني وهي ظاهره استغلال واستحلال مجهود الناس بدون وجه حق ونسبته لغير أصحابه الحقيقيين وانا عايز بعد تجربتك الاخيره مع عمرو اللى سببت المشكله دي كلها الناس تحاول تتخيل انا ساكت على ايه بقالي سنين ولكن بعد الاعتداء على اعمالى وافكاري ومجهودي ثم سكوتي وصمتي اطلع بحارب النجاح كمان وكمان اطلع مش عاجب ؟؟؟ لأ طبعا ده كلام مرفوض تماما وفعلا انا مش هسمح لأي حد يقوله وربنا يسامح الجميع وطبعا انا برد على الملأ لأنه كلامك كان على الملأ فلذا وجب التصحيح والتوضيح مع تأكيدي ان عمرو مصطفى طبعا انا بعشقه وبحبه من قلبي وانت كمان اخويا وبحبك والدليل اني اول مره اتكلم على مواضيع زي دي حدثت منذ سنوات ولكن زي مانت عندك اسره وعندك جمهور تخاف على شكلك قدامهم انا كمان زيك بالظبط مع تمنياتي بالتوفيق والنجاح الكبير للجميع اخوك الموسيقار المصري العالمي المجتهد والمحترم والمحب محمد رحيم
Posted by Mohamed Rahim on Friday, July 14, 2023
