ردّ الفنان الشعبي المصري سعد الصغير على أزمة حقيقة زواجه بالراقصة شمس بعد أن أحدثت الأخيرة جدلا بحديثها عن خلافاتها من بينها أنه أجهض طفلتهما.
ونفى الصغير هذه الأنباء معلقا في تصريحات في برناج "العرافة" الذي تقدمه الإعلامية بسمة وهبة: "لم أتزوج شمس، وعندما قلت ذلك في برنامج لأنها كانت بتعيط وأخواتها ضربوها وقالتلي أطلع قول كده وقولت كده، وبعدين لو أنا أتجوزتها مش في محامي وورقة وشهود؟ هما فين؟، وأنا مينفعش أتجوز رقاصة وتطلع تثبت".
وبشأن مقطع الفيديو الذي نشرته شمس وظهر فيه وهو يقبّل قدميها، قال: "أنا وقعت مع ناس متعرفش ربنا وكنت مضروب على إيدي، هو فيديو زي ده ينفع يطلع؟ دي مش بنت ناس".
وحول زعمها قيامه بإجهاض طفلتهما، قال سعد الصغير: "هو فين الدكتور؟ كل دا تمثيل علشان 1.5 مليون جنيه، ومين قال إن شمس كانت حامل؟ الموضوع أنها كانت متبنية بنت صغيرة وبتاخدها من ملجأ أيتام خميس وجمعة وسافرت ومرجعتهاش، ودار الأيتام رفعت قضية عليها وخدت 10 سنين سجن، وعشان كده هي هربانة".
وأعطى الصغير لبسمة وهبة أوراقا تُثبت أخذ الراقصة شمس طفلة من دار للأيتام، والحكم عليها بالسجن 10 سنوات، وتحدث: "في 4 ورقات أنا قدمتهم للدكتورة بسمة وهبة تفحصهم لو طلعوا مش سلام يبقى أنا اللي زورتهم وهترفع عليا قضية عشان كده هكون ظلمت شمس".
وخلال سياق الحلقة انفعل سعد الصغير وذلك بعد حديث "شيخ العرافين" عن زواجه الجديد وأولاده الثلاثة.
ووجه شيخ العرافين سؤالاً للصغير، قائلًا: "جبت لبس العيد لـ 3 عيال الصغيرين، ليرد عليه سعد: 3 عيال إيه؟، ومن ثم انفعل سعد وخلع المايك من البرنامج قائًلا: أقسم بالله الموضوع ده لو تعرف مش عايز البرنامج ولا عايز حاجة".
