كشفت الفنانة المصرية هاجر الشرنوبي، عن تعرضها للسرقة من قبل الخادمة التي تعمل في منزلها، مؤكدة أنها لا تريد إلحاق الضرر بها لأنها أم لأطفال، وفي الوقت ذاته لا تستطيع أن تقدم شهادة زور.
وكتبت الشرنوبي عبر "فيسبوك": "أنا في اختبار صعب وأسأل كل اللي حوالي أعمل إيه؟ الست اللي بتساعدني في البيت سرقتني، شكيت فيها اه بس مكنتش متأكدة ومحبتش أظلم ولا أبلغ.. قولت أنا مش هجيبها البيت تاني وخلاص، كلمتني كذا مرة مردتش".
وأشارت إلى أن الخادمة بلغتها عن تعرضها لجلطة: "المهم سابتلي ڤويس وصوتها كان تقيل صوت حد عنده جلطة.. أنا اتجننت أني ظلمتها ووصلت للحالة دي، كلمتها مالك يابنتي في أيه.. قالتلي ابني كان مأجر موتوسيكل واتسرق منه والراجل شراني وعاوز فلوس عاوز كام كذا، المهم كلمت الناس اللي كانت بتساعدهم كلهم في البيت ولمينا فلوس أقسم بالله مش معايا أساسا ورحتلها البيت".
وأكدت شعورها بعدم تعرض الخادمة لجلطة، إذ كانت تتمتع بصحة جيدة عند رؤيتها، لكن الشرنوبي بدورها سلمت أمرها لله تعالى، واتجهت للسفر لإكمال مهامها.
وأوضحت الفنانة تنازلها عن كافة حقوقها؛ لأن ابنة الخادمة تواصلت معها وأخبرتها بشدة تعلقها بوالدتها وعدم قدرتها على العيش دونها.
وأضافت: "اتضح إني لازم بنفسي أروح القسم اتنازل، ومن حظها الوحش أني كنت مسافرة واتأخرت عليها ولما رجعت من السفر رحت في اليوم الخامس اللي اتجددلها في الحبس.. واتفاجأت وأنا في النيابة أن خلاص ميعاد جلستها بعد بكرة وللحظ السيء أني مسافرة برضه بس قررت أعمل توكيل لمحامي".
وأشارت إلى أنها تواصلت أيضًا مع دار الإفتاء لتكتشف في حال عدم اعترافها بسرقة خادمتها لها ستبقى "شهادة زور"، واعترافها بما حدث أيضًا مع التنازل عن كافة حقوقها سيعرض الخادمة للشق الجنائي وستواجه الحكم.
واختتمت الشرنوبي منشورها، قائلة: "ايه العمل؟ أتصرف أزاي أنا بجد صعبان عليا الأولاد الصغيرين أوي، وفي الوقت نفسه أكيد مش هشهد زور اتصرف إزاي.. أنا عاوزه قرار يريح قلبي وضميري في نفس الوقت".
