وجّهت الفنانة المصرية ليلى زاهر، رسالة شكر للمخرج والملحن هشام جمال، بعد تصوير أول أغنية لها تحت إشرافه، حيث وصفته بـ"الأخ والصديق"، مؤكدة أنه يقف وراء أي نجاح لها، إضافة إلى أنه تعاون معها رغم انشغاله.
ونشرت زاهر عبر حسابها الرسمي على "إنستغرام" صورة تجمعها بهشام جمال، وعلقت قائلة: "أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا، لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان اخد رأيك كنت مبسوط وفخور بيا جداً لأنك أول واحد وقفني قدام مايك".
وأضافت: "أول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة وكل حاجة خدت حقها الحمد الله، وده يدل على إنك راجل محترف جداً في الشغل وعلى المستوى الإنساني أخويا وأقرب صديق ليا إللى دايماً بيشجعني وفي ظهري".
واختتمت منشورها قائلة: "شكرا يا هشام على كل لحظة اديتها للكليب ده من جوه قلبك والحمدلله الرسالة الفنية إللى أنت قدمتها في الكليب وصلت لناس كتير الحمدلله شكرا يا أجدع وأنضف أخ في الدنيا وربنا يكرمك يارب في كل أعمالك الجاية ويارب دايماً ناجحة".
رد هشام جمال عليها
من جهته، رد هشام جمال على زاهر من خلال تعليقه على ذات المنشور، قائلا: "يا ليلى انتي بتنجحي عشان موهوبة وشاطرة ومحترمة، وهقولك تاني ماشاء الله مفيش بنت عندها ٢٠ سنه ماشاء الله ليها مسلسلها وبرنامجها وبتغني وحققت إللي حققتيه في سنك ده ماشاء الله".
وأضاف: "وعايزك تبقي عارفه إني اشتغلت كده عشان كنت مبسوط واحنا شغالين مع بعض ومبسوط اوي باللي وصلناله الحمد لله".
هشام جمال سعيد بنجاح الأغنية
كما أعرب هشام جمال عن سعادته العميقة، بعد نجاح أول تجربة غنائية للفنانة ليلى زاهر، حيث نشر عبر "إنستغرام" مقطعا من أغنية "كلمة أخيرة"، وعلق قائلا: "مبسوط جدا بالمستوى الفني لأول تجربة غنائية لليلى أحمد زاهر، من كلمات الشاعر محمد حسن ولحن وتوزيع رائعين من الموهوب إسلام زكي".
وأضاف: "مبسوط وراضي عن مستوى الكليب كمان الحمد لله، مبروك يا ليلى ومبروك للمحترم أحمد زاهر وتستاهلوا كل خير ونجاح، ومبروك لمعين وشركة كروم أول إنتاج لـ ليلى، وشكرًا بجد لكل الناس اللي تعبت معانا في الكليب والحمد لله إن ربنا وفقنا".
"كلمة أخيرة"
وكانت الفنانة ليلى زاهر، قد اقتحمت عالم الغناء بأغنيتها "كلمة أخيرة" من خلال حسابها الشخصي بموقع الفيديوهات يوتيوب، ونجحت الأغنية في تحقيق نجاح كبير، حيث حققت مشاهدات وصلت إلى 308 آلاف خلال يوم واحد فقط.
