تعرّض نقيب المهن الموسيقية المصرية، الفنان مصطفى كامل، لانتقاد لاذع من قبل مواطنه الإعلامي محمود سعد، بعدما ألزم مغني الراب بالغناء مع فرقة موسيقية وألا يقل عدد العازفين في الفرقة عن ستة أشخاص.
وعلق سعد عبر مقطع فيديو نشره في حسابه على "فيسبوك"، قائلا بشأن الشروط التي وضعها النقيب كامل على مغني الراب: "أغنية كله على كله لما تشوفه قوله، لما كنا صغيرين كنا بنغنيها لكن الصحافة دبحوا عدوية".
وأضاف: "شفت حفلة لويجز وشفت منظر رهيب فكرت إنها صورة مش حقيقية، ولكن حضرها 52 ألف والناس تهاجم ويجز، ولكني مستغرب شروط مصطفى كامل لما قال لازم مطربي الراب يغنوا بفرقة دي حاجة عجيبة مفيش حد يشترط على مطرب يغني ازاي غير الملحن، الغنا ده حياة الروح لأنه الفن الوحيد اللي ممكن يمارسه أي حد في أي حتة وأي مناسبة، لأنه بيعبر عن الناس مش هنخلي الناس تغني على مزاجك، هو حر ليه تشتموه الغناء مزاج مكانش يبقى فيه فايزة ونجاة ووردة وشادية وأنغام وشيرين".
وأوضح الإعلامي المصري: "لما طلعوا الحنفية الناس قالوا محدش يتوضا من الحنفية لأنهم كانوا بيتوضوا من الترعة ودايما الجديد بيكون عامل قلق، الدنيا اتغيرت ويجز مش بيحتك بأمور سياسية ولا بيمس أمور دينية ولا بيقدم حاجات فيها إباحية، ويجز بيأسس لفن جميل تعالوا نساعده يمكن محتاج مساعدة، ومحتاج آراء داعمة وفي 52 ألف شخص نزلوا يسمعوه في حفله الأخير وأغانيه على يوتيوب جايبة 100 مليون".
نصيحة مصطفى كامل لمغني المهرجانات
https://web.facebook.com/mahmooudsaaad/videos/1111862059532523
وعلى صعيد آخر؛ كان نقيب المهن الموسيقية، قد قدم قبل أيام قليلة نصيحة لمغني المهرجانات، مشيرا إلى أنهم في الفترة الأخيرة؛ تمكنوا من جمع أموال كثيرة جراء الأغاني التي كانوا يقدمونها، مُطالبًا هؤلاء بأن يفكروا في الاتجاه لتقديم أغانٍ أفضل في الفترة المقبلة، لخدمة الوطن.
وأضاف كامل خلال المؤتمر الصحفي: ”مفيش حد هيغني بفلاشة أو حديدة تاني.. عملتوا فلوس حلوة تعالوا نقدم حاجة لبلدنا، مينفعش ربنا يوهب بني آدم والنقابة تمنع.. ربنا مش بيوهب إسفاف.. ربنا مبيديش باطل.. ربنا بيدي حق.. ماتستغلهاش تحت شعار الفن“.
وأوضح النقيب أنه سيتخذ كافة الإجراءات القانونية اللازمة ضد مغني المهرجانات الشعبية، وذلك حال عدم التزامهم بقرارات نقابة المهن الموسيقية، حيث يرغب مصطفى كامل بتقديم أعمال هادفة وليست مبتذلة.
