وجّهت الممثلة المصرية، سماح أنور، رسالة إلى الفنانة شيرين عبد الوهاب بعد أزمتها الأخيرة، تضمنت كلمات تعبر فيها عن حبها الكبير للأخيرة.
وقالت "أنور" في رسالتها: "عايزة أعرفك على إنسانة بتعشق إنك اتولدتي، أكتر واحدة فرحت بيكي وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها، عايزاكي مش بس تقابليها، لا نفسي كمان إنك تعينيها الإنسانة الوحيدة اللي طول عمرها في ضهرك، هي اللي بتسندك في البكا وفي الفرح، في النصرة وفي الانكسار، في الصحة وفي المرض، في النجاح وحتى الفشل".
وأضافت الممثلة المصرية: "ما تنسيهاش وما تهينيهاش ثقي فيها حني عليها، اسمعي بكاها وخديها في حضنك وحافظي أوي، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ماسابتك ولا خذلتك، اسمها شيرين عبد الوهاب برضه، خللي بالك عليها، واسمعي كده في وسط كل الألم والزعيق والدوشة؛ صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي".
ويتواصل دعم الفنانة شيرين من قبل نجوم الوسط الفني، أحدثهم أيضًا الممثلة ليلى علوي التي كتبت: "شيرين عبد الوهاب قامة فنية واسم مهم جدا في مجال الطرب.. من أول معرفتي بيكي وأنا بحبك ومتأكدة من حب كل اللي بتقابليهم ليكي لقلبك الطيب والخير اللي بتقدميه وموهبتك الفذة".
وأضافت علوي: ”لكن دلوقتي حبك في قلوبنا بقى أكبر وبقيتي أغلى وأغلى.. وحبنا اللي بيكبر هو اللي هيخليكي أقوى وترجعي أحسن كمان من الأول.. أنا واثقة جدا من ده“.
وبشأن ابنتي شيرين عبد الوهاب، علقت ليلى: ”لحد ما تقومي من محنتك ومن بعدها كمان بناتك على راسنا.. وعيلتي هي عيلتك.. بنحبك أوي".
وتعتبر هذه الرسالة هي الأولى من نوعها التي يتطرق فيها زملاء شيرين عبد الوهاب إلى ابنتيها، خاصة أن والدة شيرين كشفت من قبل أن الطفلتين تعيشان بصحبة خالتهما بعد ما حدث لشيرين وإلزامها بدخول مستشفى من أجل العلاج.
ومن ضمن الداعمين أيضًا لشيرين، كانت الفنانة السورية أصالة نصري، حيث كتبت عبر تغريدة: ”مؤلم جدًّا شوف زميله وصديقه عم تمرّ بهالمحنه الصّعبه وما عندي غير أدعي لها تطلع منها بطله متل عادتها ”، وأرفقت التغريدة بهاشتاج شيرين عبد الوهاب.
