سلوى خطاب تحذر ياسمين عز بعد دفاعها عن الرجل: "كفاية رومانسية هتتجرجري"

أكدت الممثلة المصرية، سلوى خطاب، أنها تشعر بالخوف من عمليات التجميل، لكنها ليست ضدها، وكل ما في الأمر ألا تتحول إلى هوس، ولو كانت قد احتاجت لها لأجرت العملية.

وأضافت خطاب في تصريحات لها لبرنامج "كلام الناس"، الذي تقدمه ياسمين عز، مساء الجمعة: "مش مستوعبة الموضوع، أنا بحب أحافظ ولكن لو احتجت عملية تجميل هعملها، أنا بلاقي ممثلات ومطربات بقوا صغيرين أوي مش عارفة إزاي، وأنا مبسوطة ليهم، وأنا مش ضد عمليات التجميل، والمهم إنه ميكونش هوس.

وتابعت الممثلة المصرية: "لو عملية تجاعيد ماشي هذا الزمن هنروح منه فين، طب عملنا وشنا لكن النفسية هنعمل فيها إيه؟ يمكن لأني من النوع اللي مش شاغلة نفسي أنا ناسية تاريخ ميلادي".

وتحدثت سلوى خطاب عن سر حفاظها على رشاقتها، قائلة: "أنا باكل كل حاجة ولكن بمقدار صغير، وبحاول أنظم أكلي، ولكن دي ضريبة لو مكنتش في الفن كان زماني وزني كبير".

واستذكرت خطاب خلال اللقاء الفنانة الراحلة هند رستم: "مرة كنت قاعدة مع العظيمة الراحلة هند رستم، كنا في مهرجان وبنتكلم عن الأيام بتاعتهم وسألتها عن سر رشاقتها، قالتلي كنا بنلعب رياضة وبناخد تدريبات رقص، وبنحرم نفسنا من الأكل، أنا مكلتش رز إلا بعد ما اعتزلت".

وردت الفنانة على اتهام البعض لها بأنها عدوة للرجل، مشيرة إلى أنها لا تتعامل بهذا المنطق.

وقالت خطاب: "معرفش الاتهام جاء منين، يمكن الستات طلعوه عليا عشان يوقفوا سوقي،، مش ممكن يكون في عداء، المرأة زي الراجل، أنا بعامل بني آدمين، اللي يهمني البني آدم شكله إيه أو البني آدمة شكلها إيه، مينفعش حد يعادي حد".

وتابعت الفنانة: "أنا بحس إن الست المصرية شايلة مهام كتيرة قوي، مطلوب منها فوق طاقتها أكثر من الرجل".

وفاجأت سلوى خطاب الإعلامية ياسمين عز المعروف عنها بمواقفها المدافعة عن الرجل، وقالت لها خلال حوارها بالبرنامج،:"ليا واحدة صاحبتي لها آراء عكس آرائك كده وطول اليوم المرأة وحقوق المرأة والكلام ده".

وتابعت:" الراجل مش مطلوب منه حاجة غير شغله وأنا باخد باله من بيته، وبدورها عقبت ياسمين عز،:": الراجل مش لازم يعمل مجهود عشان يكون جميل هو جميل لوحده".

وحذرت سلوى خطاب ياسمين عز، قائلة: "كفاية رومانسية والنبي وابقي فكريني لما تتجرجري من شعرك، لترد الأخيرة،:" لا أنا لا أقبل ده عليا أو علي غيري".