تتكرر أزمات الفنان المصري محمد رمضان مع نجوم آخرين بسبب تصريحاته التي يدليها عنهم، كان بينها عندما صرح بأنه يرفض تجسيد أدوار قدمها الممثل فاروق فلوكس، مثل "صبي رقاصة" في فيلم "الراقصة والسياسي"، وعلق رمضان: "لو هشحت مش هبقى زيه، رغم أنه فنان قدير".
وأخيرا هاجم فلوكس تصريح رمضان عنه وقال إنه لن يتمكن من إتقان تجسيد الشخصية مثله في حال عُرضت عليه، مشيرًا إلى أن محمد رمضان ممثل لكن "لسانه فالت" حسب تعبيره، ولا يتمنى العمل معه أبدا.
واستغرب الفنان المخضرم الهجوم عليه بلا سبب، قائلا: "بيهاجموني بلا سبب، ومش عارف محمد رمضان بيهاجمني ليه، رأيه فيّا يُحترم، لكن أنا مش بعمل حاجة خارجة، أنا لما بعمل عمل وأتقنه والناس تصدقه ده حاجة تانية".
ولفت فاروق فلوكس في تصريحات لـ"القاهرة 24" المحلية: "عملت دموع في عين وقحة، بطولة الأستاذ عادل إمام، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها".
واستكمل فاروق فلوكس: "لما أعمل شخصية صبي رقاصة لا بد أن تكون الشخصية بها مضمون، لو هو مش فاهم في ده هو حر، لكني أنا مجرحتش حد خالص، ولا المشاهد، ولكني أجدت تجسيد الشخصية".
وأوضح: "ناس في الوسط عمري ما أشتغل معاهم وهو واحد منهم، مش معنى كده إني أحسن منه لا أبدا، أنا مبحبش نوع الأعمال بتاعته".
فاروق فلوكس ينتقد محمد رمضان بعد أزمته مع عائلة فريد شوقي
أما بخصوص الأزمة الأخيرة التي دخل فيها محمد رمضان مع عائلة الممثل المصري الراحل فريد شوقي بعدما قارن بين فيلم "حميدو"، للفنان شوقي وبين فيلم "عبده موته"، الذي قدمه رمضان، فقد استغرب فاروق فلوكس هذه المقارنة، ووصف الفنان الشاب بأنه مريض نفسيا ولا بد من معالجته.
وعلق فلوكس: "محمد رمضان يروح يعالج نفسه عند دكتور نفسي، هو ممثل كويس أوي بس لازم يروح يعالج نفسه، اللي يعيش عصر فريد شوقي هيعرف مكنش في شباب يمسك السلاح في أيده وهو رايح الفرح".
وأكمل: "هو بيتكلم وهو طلع في عصر غير عصره يبقى ميقارنيش نفسه به.. على كده بقا كل واحد يطلع يقول أنا شبه فلان، الناس ده تاريخ كبير حفرت لنفسها وجود علشان يجي حد يقول أنا شبه فلان".
ونصح فاروق فلوكس محمد رمضان بألا يهاجم من وصفهم "القمم القديمة أو الحديثة"، وقال له: "عمر حد مننا طلع قال أنا نمبر واحد في العالم، ليه يا محمد الغرور ده من تواضع لله يابني رفعه".
