أبدى الفنان المصري محمد نجاتي انزعاجه الشديد من تدوينة كتبها الصحفي المصري عمرو صحصاح، قارن من خلالها ما حققه نجاتي من إنجاز فني بما حققه زميله أمير كرارة، الذي تنافس معه على المشاركة في مسلسل "محمود المصري" عام 2004.
ونشر محمد نجاتي مقطع فيديو عبر صفحته الرسمية على "إنستغرام"، هدد من خلاله باعتزال مهنة التمثيل نهائيا، موضحا أنه ليس مسؤولا عن وضعه في الوسط الفني حاليا، ولا يتدخل بإرادة الله في شهرته، وليس أمامه سوى اختيار أفضل ما يعرض عليه من سيناريوهات وتقديمه؛ وذلك بسبب التزاماته المادية والعائلية الموكلة إليه.
وقال نجاتي: "طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق… قدر أنه يوصل لحب الناس ولقاعدة كبيرة من الجمهور، أنا كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل في ده".
وأضاف :"أما بالنسبة للبوست اللي كتبه الأستاذ عمرو صحصاح، اللي قال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني غصب عني مضطر اشتغل حاجات كتير علشان أكمل بقيت حياتي لأن عندي التزامات كتير".
وأكد الممثل المصري عدم رضاه عن الأعمال التي يقدمها أخيرا، موضحا إذا كان ذلك يزعج بعضهم منه، فقد تكون فكرة الاعتزال هي الحل، وقال: "أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي، وإذا كان وضعي كدا مضايق ناس ممكن اعتزل واريحكم كلكم مني وتبقى نهاية الحكاية".
وانهالت التعليقات على محمد نجاتي، من قبل متابعيه، معبرين عن حبهم وتقديرهم للفن الذي يقدمه الممثل المصري، ومن أبرز المعلقين، زميلته دنيا المصري، والتي كتبت تعليقا عبر الفيديو الذي نشره نجاتي: "انت ممثل مفيش زيك يا محمد انا اشهد انك انسان محترم يا عشرة عمري ربنا يكرمك يا اجدع خلق الله".
