دافع الفنان المصري محمود حجازي عن الممثلة ريهام حجاج، بعد اتهامها بأنها كانت السبب وراء قرار الممثل توفيق عبد الحميد باعتزال الفن نهائيا بعد تعاونهما في مسلسل "يوتيرن".
وقال حجازي في رسالة عبر "فيسبوك": "أنا في حاجه ماكنتش عايز أتكلم فيها بس بجد مش قادر اأشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سواء كان جزء منها أو ميعرفش حاجه منها".
وأضاف حجازي تحت عنوان "ليه بقينا بنستسهل الظلم": "أنا السنه دي بشتغل 3 مسلسلات جواه رمضان وكانت سنة صعبة جدا وممتعه جدا وأنا محظوظ إني اشتغلت مع الأستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن.. قد إيه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده".
وتابع الفنان المصري: "كمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقة".
وأشار: "المشكله ان دي طريقه بتتكرر وكل مره بقول اكيد الناس هاتفهم لوحدها بس الاقي الموضوع مكمل بطرق غريبه، والغريب اكتر ان في ناس بتستغل الموضوع ده.. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس.. انا ده تاني عمل ليا مع الاخت العزيزة ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق.. واسف اني طولت عليكم وكل سنه وحضراتكم طيبين".
وكان الفنان توفيق عبد الحميد قد نفى الأنباء المتداولة بشأن اتهام الفنانة ريهام حجاج بقرار اعتزاله العمل الفني، مؤكدا أن حالته الصحية هي التي تستوجب ذلك.
وكتب توفيق عبد الحميد عبر حسابه على موقع "فيسبوك": "علاقتى بريهام حجاج طيبة جدا وهى فعلا بمثابة ابنتى والموضوع له علاقة بحالتى الصحية لأنها تستحق منى الاهتمام".
