رنا شميس عن قبلة كندة حنا وعبد المنعم عمايري: ما بحب ابني يشوف هيك شي

أبدت الفنانة السورية رنا شميّس رفضها القاطع لتقديم المشاهد الساخنة، تعليقاً على مشهد القبلة الذي قدمته الفنانة السورية كندا حنا مع الفنان عبد المنعم عمايري ضمن فيلم "الإفطار الأخير".
وصرحت رنا شميّس خلال لقاء إعلامي عبر "شو في ما في": "في مشاهد أنا بشكل شخصي ما بعملها، في سلوكيات في الحياة غير مقبولة، وفي نوع من اللبس ما بلبسه، وفي أماكن أنا ما بقبل أروح عليها.. بالوقت نفسه الأشياء اللي برفض أعملها عند الناس هي شي عادي".
ورغم رفضها لتمثيل مشاهد حميمية، إلا أنها دافعت عن قبلة الفنانين عبد المنعم عمايري وكندا حنا، معتبرة أن الخيار شخصي للفنان والمخرج.

وعن كثرة المشاهد الجريئة في الدراما السورية، قالت رنا شميّس: "احنا بالنهاية مجتمع شرقي، والمجتمع الشرقي يتبع لقوانين بسيطة وصارمة بنفس الوقت، في مقبول، وفي غير مقبول.. احنا متعودين انه نتقبل المسلسلات التي تأتينا من الخارج إنه نتقبلها لأنه هيك حياتهم عادي، أما إحنا بشارعنا ما بتشوف هالشغلات".
وعن مشهد كندا حنا وعبد المنعم عمايري، قالت الفنانة السّورية: "القبلة كانت في البيت عادي، وبين أي زوجين بصير هادي الشي، بس أنا ما بحب إنه إبني يشوف هيك شي عالشاشة، نحنا في بيتنا لصف البكالوريا، ممنوع نحضر غير برامج الأطفال.. هاي تركيبة مجتمع، والموضوع يطرح للنقاش… وفي فرق بين الاشي اللي بنحبه، واللي نقبل إنه نتصرفه أو نشوفه في الحياة".
وعلى الصعيد الشخصي، نفت رنا شميّس شائعة عودتها لطليقها المهندس السوري فادي حمدان بعد أن قامت بخلعه منذ سنوات، وقالت: "ما في رجعة، وفي شغلات بالحياة ما فيها رجعة مثل الموت والثقة لما تروح من شخص، في شغلات بس تروح ما بقى بترجع، لا هي ولا الأشياء اللي بخصوها".
وكشفت رنا شميّس أن فكرة الارتباط متاحة دوماً، لكن لم يأت الرجل المناسب حتى الآن.
وعن رأيها بطلاق الفنانة المصرية شيرين عبد الوهاب عن الفنان المصري حسام حبيب، قالت: "زعلت لأنه أنا مع الأنثى دائماً، لأنه هي كائن ضعيف بحاجة الكلمة والعاطفة، وحدا يطبطبلها".