فاجأ المطرب الشعبي المصري سعد الصغير، الإعلامية بسمة وهبة مقدمة برنامج "العرافة، بالانسحاب، بعد أن رفض عرض مقطع فيديو له على الهواء، رغم أن الإعلامية وعدته بعدم بثّه.
وأصرّ الصغيّر على الانسحاب من البرنامج، قائلًا: "كله إلا الفيديو ده، ده فيها خراب، كله كوم والفيديو ده كوم تاني، الفيديو ده يضيع مستقبلي".
وغضب الفنان المصري على بسمة وهبة، قائلًا: "أنا عندي عيال، أنا همشي ومش عاوز حاجة، ده خراب بيوت"، وسحب المايك من ملابسه، كما خلع القميص الذي كان يرتديه فوق التيشرت، وغادر الاستوديو منفعلًا، وأنهت الإعلامية الحلقة بعدها على الفور.
وقبل ذلك تحدث سعد الصغير، خلال الحلقة، عن جنازة والدته، حيث ذكر أنه لم يجد أي أحد حوله من زملائه في الوسط الفني، وعلق: "عملت أفراح لناس ومخدتش فلوس، عملت فرح غادة عبد الرزق وغنيت ساعتين ومخدتش جنيه، لكنها مقالتش البقية في حياتك.. كان واجب عليها تليفون صغير تعمله".
وهاجم الصغيّر مغني المهرجانات عمر كمال، بعد تصريح الأخير، بأن تاريخ سعد الصغير الفني بالكامل، لم يحقق ما حققته أغنية واحدة له، وقال: "ده أنا اللي وقفت معاك، وكلمت ناس عشان أساعدك في قضيتك.. أنت ملكش تاريخ.. أنت كنت بتتفرج عليا، مفيش مطرب ليه تاريخ.. إحنا بنرقص ونغني مع راقصات.. التاريخ مع العلماء اللى بيقدموا كل مفيد للناس".
ودمعت عينا سعد الصغير على الهواء، بسبب أزماته مع زوجته، وتجاوزه كثيرًا بحقها، معتذرًا لها عما بدر عنه.
واعتذر سعد لزوجته أولاده، قائلًا: "خلاص أنا كبرت".
وأضاف: "اللي يتجوز من ورا مراته دون معرفتها حرية شخصية، ولكن أؤكد لزوجتي أنها متستاهلش كدا.. مراتي جبل واستحملت كتير.. وفي بداية حياتي كنت فقير.. وسترتني كتير.. وللأسف لم أتكمن من رد جميلها لليوم.. وربنا بياخد حقها.. مراتي أكتر واحدة أنا كدبت عليها".
وردّ على سؤال الإعلامية بسمة وهبة: "كام مرة شيطانك غلبك؟" قائلًا: "كتير.. ولا مرة انتصرت.. وكل مرة بيغلبني..أنا إنسان ضعيف ولما بصلي بكون جامد".
وعلق -أيضًا- خلال الحلقة، وقبل انسحابه، على حقيقة تصريحاته: "أنا مدرسة في الغناء، وعبد الباسط حمودة وشيبة بيقلدوني، وأنا صاحب فضل على الليثي ولو مشيت في الشارع جنب شاكوش وبيكا، الناس هتعرفني ومش هيعرفوهم."
وقال سعد: "كل دا كدب.. بس أنا اللي قلته.. والحقيقة إن أحد الإعلاميين أجرى لقاء معي وأخطأت خلال الحوار في مغزى تصريحاتي.. واللقاء تم حذف الكثير منه.. وبعدها تم تداول الفيديو على نطاق واسع".
