ترك الطفل عمر شريف بصمة له في مسلسل "تحت الوصاية"، بطولة الفنانة منى زكي، ووجه بعد انتهاء العمل الدرامي رسالة إلى الأخيرة، محتفيا بهذه الفرصة المميزة.
وكان شريف قد جسد دور ابن منى زكي في "تحت الوصاية"، وقال في رسالته التي دونها عبر حسابه في فيسبوك: "شكرا على الفرصة الكبيرة اللي ادتيهالي إني أشتغل مع حضرتك.. شكرا على ثقتك فيا.. أتمنى أكون قدها.. اتعلمت من حضرتك كتير أوي على المستوى الفني و الشخصي".
وأضاف: "مش عارف أوصف قد إيه كنتي حنينة عليا ورا الكاميرا وده طمني وساعدني أكون أحسن، الشغل معاكي حاجة هفضل أفتخر بيها طول حياتي.. أشوفك قريب يا حنان.. وهخلى بالى من فرح #تحت_الوصاية".
من جانبها، تحدّثت المحامية نهاد أبو القمصان عن مصير أبناء حنان (منى زكي) في المسلسل وفقا للقانون، في منشور لها عبر “إنستغرام” قائلة: “الأم اتسجنت ليه؟ الأم اللي نجحت فى إدارة أموال ولادها وعملت مطعم اتسجنت بتهمة السرقة، لأنها أخدت أموال القصر بدون موافقة من النيابة الحسبية، والعم كان ممكن تنازل عن البلاغ، بس محدش بيطمع وفجأة يطلع ملاك ويتنازل”.
وأضافت: “مين هيصرف على العيال؟ قانونا الإنفاق مسئولية عمهم لأنه الوصى، وحتى لو مش وصى لأنه قرابة من جهة ”العصب”، ولأن العم فاشل فى إدارة حياته أصلا ومش عارف يصرف على نفسه ويتجوز، فغالبا مش هيعرف يصرف على الولاد، طيب يروحو لخالتهم؟ خالتهم مش بتشتغل وجوز خالتهم مش ملزم يصرف عليهم أو ربما معندوش إمكانية يصرف، فغالبا الأولاد هيتحطو فى دار رعاية”.
وأوضحت: “ممكن البعض يشوف دا صعب قوى أو خيال مؤلف، لكن فى الواقع وفى المحاكم حكايات صعبة أصعب من كدا كمان، لما بنحكى للمؤلفين عن اللى بيشوفوه فى الواقع بيتصدموا لأن قوانيننا من أيام أهل الكهف.. مسلسل ”تحت الوصاية” حطنا قدام مراية قانون من ضمن قوانين كثيرة قوى أقل ما يقال عليها (سيئة)”.
وعلقت الفنانة منى زكي على رسالة المحامية نهاد أبو القمصان بالقول: "يارب يحصل أي تغير ينصف ملايين زي حنان".
ومسلسل "تحت الوصاية" من تأليف خالد وشيرين دياب، وإخراج محمد شاكر خضير، وبطولة منى زكي، دياب، أحمد خالد صالح، نهى عابدين، رشدي الشامي، مها نصار، علي الطيب، أحمد عبد الحميد، محمد السويسري، وعدد آخر من الفنانين.
