طرحت شمس الأغنية اللبنانية نجوى كرم فيديو كليب أغنيتها الجديدة "يخرب بيتك"، على قناتها الرسمية بموقع الفيديوهات العالمي يوتيوب.
توقع نجوى كرم أغنيتها الجديدة، بلمستها الإنسانية التي طالما تميزت بها، هي المعروفة بدمعة عينها السخية ورقة قلبها وإحساسها بما يدور حولنا من مصائب.
ورغم أن كلمات الأغنية تصب في الحب والشوق " كل شي فيّي بيِندَهلَك ما بعرف إلاّ اشتقلَك".. ورغم اعترافها بالشوق لحبيبها وبعيونها التي ترقص، إلا أنها أرادت أن تربط هذا الحب بالإنسانية وذلك من خلال الصور التي استخدمتها في الكليب صور أطفال اللاجئين السوريين، وأطفال مرضى السرطان.
وكعادتها تألقت نجوى بطلتها الجديدة دائماً وحضورها المشرق، الذي رسم الفرحة على قلوب أعيتها الحروب والكوارث الطبيعية والفقر والأمراض.
الأغنية من كلمات محمد علي عثمان، ألحان وسام الأمير، توزيع طوني سابا وإخراج فادي حداد.
كلمات الأغنية
يخرب بَيْتَك حبَّيْتَك
أنا مش عالفاضي نَقَّيْتَك
نَقَّيْتَك من بين الكلّ
لِأنَّك أخْوَت حسَّيْتك
وأخْوَت يعني بتشبهني
وعالطّايِر قادِر تفهَمني
ولمّا خواتَك ندَهْني
أنا متلَك دغري لَبَّيْتَك
كل شي فيّي بيِندَهلَك
لمّا تكون قبالي
ما بتحمَّل حنّلَّك
كلّ ما تعنّ ع بالي
ما بعرف إلاّ اشتقلَك
غلّ فيّي غلّ.. أنا منَّك ما بملّ..
لَيْك جنوني وشوف عيوني
بترقص كل ما بقرّبلك..
عندك أفكار يا مَحلى
بالغرام أفكاري
بترمي نظرات بفهَملا
وإنتَ بتفهَم أسراري
كل ما تجنّ بشوفَك أحلى
غلّ فيّي غلّ.. أنا منَّك ما بملّ..
لَيْك جنوني وشوف عيوني
بترقص كل ما بقرّبلك..
