أعربت الإعلامية المصرية بسمة وهبة، عن غضبها بسبب الحسد الذي تتعرض له على مواقع التواصل الاجتماعي من قبل أشخاص لا يعرفون المصاعب التي تمر بها، مشيرة إلى أنها سافرت إلى لندن بغرض العلاج، لأنها تعاني من مرض يحتاج إلى السفر، وليس بقصد الرفاهية.
وظهرت وهبة بمقطع فيديو عبر خاصية الستوري في "انستغرام"، ووجهت رسالة قائلة: "أنا بطلب يا جماعة من كل الناس اللي بتتفرج على صوري متفتكروش الصور اللى برا دي الحياة اللي جوه.. أبدًا والله العظيم كل واحد ربنا في حياته حتة ناقصة بس أنا الحتة بتاعتي غير بتاعتك فكلنا بنعاني".
وأشارت إلى أن الصور والفيديوهات لا تعبر عن حياة الرفاهية للشخص: "بقيت أخاف أنزل صوري، لو أخذت صورة أو فيديو ونزلت حاجة تفتكروا إنى في رحلة ترفيه، مش كل صورة أو فيديو تشوفوها يبقى هي دي الحياة لأ كلنا بنعاني زي بعض، أوعوا تصدقوا الصور اللى بتشوفها دي الحياة الخلفية".
واختتمت وهبة حديثها مشددة على أنها سافرت بغرض العلاج عند أطباء تقصدهم: "خفوا على بعض وبعدين لو بإيدي أتعالج في مصر كنت قعدت هو أنا عايزة أدفع فلوس أكثر، لكن أنا عندي مرض محتاج سفر ودكاترة معينة والحمدلله راضية وسيبونا في حالنا ومتقعدوش تركز".
بسمة وهبة تسافر للعلاج في لندن
وكانت الإعلامية بسمة وهبة قد كشفت مؤخرا أنها سافرت إلى لندن بغرض العلاج، مطالبة جمهورها بالدعاء لها بالشفاء العاجل، دون أن تذكر تفاصيل مرضها.
وقالت عبر فيديو لها على "انستغرام": "والنبي أستحلفكم بالله ما تنبروا عليّا والله ما جاية أتفسح في لندن.. تصدقوا بالله أنا بنزل من غير فلوس في لندن عشان الحاجات هنا مولعة نار".
وأضافت الإعلامية المصرية: "أنا جايه رحلة علاج والله العظيم ادعولي ما تنبروا عليا أنه يشفيني ويكتبلي الحج.. والنبي ما تنقوا ولا تنبروا عليا وهاخدكم جولة معايا بكرا عند الدكتور والمستشفى عشان ترتاحوا وتدعوا من قلبكم".
