طمأن الفنان المصري، تامر حسني، الجمهور على حالته الصحية، بعد الأنباء التي انتشرت قبل أيام قليلة عن دخوله في غيبوبة، إثر تعرضه لأزمة صحية، والتي تم نفيها وقتها.
ووثق "نجم الجيل" مجموعة من الصور عبر حسابه على إنستغرام، كشف من خلالها تفاصيل كواليس فيلمه الجديد "بحبك" الذي يجمعه بالنجمة هنا الزاهد، أرفقها برسالة تتعلق بالعمل السينمائي.
وكتب تامر حسني: "دي صور من أول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك وناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في احداث فعلاً محيره جداً.. الفيلم اكيد فيه ضحك بس في إطار رومانسي بحت مش موجود بقاله كتير".
وأضاف:"اتشرفت بمشاركة نجمة اليوم والمستقبل الجميلة هنا الزاهد ومبسوط اني اول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميلة، وللأسف لسه مصورش علشان انزل صوره بس في اول يوم تصوير له ههريه صور".
وحمّس الفنان المصري متابعيه للفيلم قائلا: "انتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله".